Operacioni “Vjeshta”, i finalizuar nga Policia e Sarandës pas një hetimi disa-mujor, ka çuar në pranga 20 persona, mes tyre ...
AKTUALITET
Detaje të reja, çfarë po zbulohet nga gjetja e trupit të Miklovan Danajt?
PiranjatPërditësimi i fundit 2 Shtator 2025, 11:34
Detaje të reja kanë dalë nga gjetja e trupit të Miklovan Danaj 30 vjeç nga Shkodra në Marbella të Spanjës.
Trupi i pajetë u konstatua pranë brigjeve të detit, më datën 24 Gusht.
Ndërsa prej asaj date autoritetet spanjolle kanë nisur verifikimet për të gjetur lidhjet e Miklovan Danajt pasi kanë dyshime që ai është perfshirë në rrjetin e trafikantëve shqiptarë të drogës në Itali por dhe në Spanjë.
Mësohet se sot autoriteteve shqiptare u janë vënë në dispozicion të dhëna për gjetjen e trupit të pajetë të Miklovan Danajt. Mes tyre mësohet se Miklovan Dakajt i janë gjetur edhe dy dokumente me identitetet të ndryshme, cka ngre dyshimet se ai i ka përdorur për tju fsheshur autoriteteve në Spanjë për shkak të përfshirjes në rrjete droge.
Miklovan Danaj, nga Shkodra, kishte humbur kontaktet me familjen që prej muajit maj të këtij viti.
Familjaret e tij kishin marrë një mesazh anonim, që konfirmonte vrasjen e tij.
Sipas tyre, në mesazhin që i është dërguar familjes së 30-vjeçarit shqiptar shkruhej që ‘të mos e kërkojnë më Miklovanin pasi është vrarë dhe trupi është hedhur në bregun e Marbellas”.
