Presidenti i Federatës Palestineze të Futbollit, Jibril Rajoub, ka deklaruar se nuk ka marrë vizë për të hyrë në Shtet...
AKTUALITET
Detaje të reja nga vdekja e 60-vjeçarit në Zëmblak, vëllai: Vuante nga zemra, alkooli ia rëndonte gjendjen
PiranjatPërditësimi i fundit 15 Maj 2026, 15:14
Detaje të reja janë zbardhur lidhur me vdekjen e 60-vjeçarit që u gjet pa shenja jete në banesën e tij në fshatin Zëmblak, në bashkinë Maliq.
Viktima jetonte i vetëm, ndërsa dyshohet se kishte disa ditë që kishte ndërruar jetë në banesë. Nga këqyrja paraprake e trupit nuk janë konstatuar shenja dhune, ndërsa policia pret rezultatet e ekspertizës mjeko-ligjore për të përcaktuar shkakun e vdekjes.
Vëllai i të ndjerit, Ylber Mullalli, ka treguar se 60-vjeçari jetonte i vetëm, ndërsa familjarët e tij ndodheshin jashtë zonës.
“Jetonte vetëm. Djalin e ka në Tiranë, ndërsa vajza është e martuar dhe jeton në Selanik. Djali qëndron në Tiranë për shkak të punës”, u shpreh ai.
Sipas tij, familjarët nuk kishin dijeni prej sa ditësh kishte ndërruar jetë 60-vjeçari.
“Unë sot erdha në mëngjes, se isha në Tiranë. Para 4-5 orësh kam ardhur dhe të tjerët më njoftuan”, tha Mullalli.
Ai shtoi se vëllai vuante nga zemra dhe ishte me KEMP, ndërsa problemet me alkoolin ia kishin rënduar gjendjen shëndetësore.
“Vuante nga zemra, ishte me KEMP, por më shumë e kishte nga alkooli, pinte alkool”, deklaroi ai.
