Dhunoi çiftin e bashkëshortëve me sende të forta pas një konflikti për prona, arrestohet 21-vjeçarja në Has

HAS- Një 21-vjeçare është vënë në pranga nga policia pas një konflikti të regjistruar ditën e djeshme në Has. Arrestimi i 21-vjeçares ka ardhur se pas një konflikti për motive pronësie ka goditur me mjete të forta dy persona. 

Të plagosurit janë një çift bashkëshortësh të cilët fatmirësisht ndodhen jashtë rrezikut për jetën. E arrestuara akuzohet për veprat penale “Plagosja e rëndë me dashje” dhe “Plagosja e lehtë me dashje”. 

Në vijim të informacionit të dhënë dje, për një konflikt për motive pronësie në fshatin Pla, bëjmë me dije se në vijim të veprimeve hetimore për këtë rast, specialistët për Hetimin e Krimeve të Komisariatit të Policisë Has arrestuan në flagrancë shtetasen:     

A. S., 21 vjeçe, banuese në fshatin Pla, për veprat penale “Plagosja e rëndë me dashje” dhe “Plagosja e lehtë me dashje”. Nga veprimet hetimore dyshohet se gjatë konfliktit për motive pronësie, kjo shtetase ka goditur me mjete të forta, shtetasit A. J., 65 vjeç dhe V. J., 60 vjeçe (bashkëshortë).   

Shtetasi A. J. mori mjekim dhe është jashtë rrezikut për jetën, ndërsa shtetasja V. J. vijon të jetë në kujdesin e mjekëve. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.

dhune ne has arrestohet 21-vjecarja ne has