Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Dokumenti/ Reagon “Confindustria Albania” pas vrasjes së biznesmenit italian
PiranjatPërditësimi i fundit 29 Shtator 2025, 09:25
Tronditje dhe alarm në komunitetin e biznesit italian në Shqipëri.
Vrasja tragjike e sipërmarrësit italian Edoardo Sarchi pranë Tepelenës ka shkaktuar reagime të forta nga Confindustria Albania dhe Dhoma e Tregtisë Italiane në Shqipëri, të cilat në një komunikatë të përbashkët kërkojnë hetim të menjëhershëm, transparencë maksimale dhe garanci sigurie për sipërmarrësit. Ngjarja e rëndë ka ngritur pikëpyetje të mëdha mbi klimën e sigurisë dhe mbi pasojat që ajo mund të ketë për marrëdhëniet ekonomike mes dy vendeve.
Në një komunikatë të përbashkët, Confindustria Albania dhe Dhoma e Tregtisë Italiane në Shqipëri, shkruajnë;
"Tronditje dhe shqetësim i thellë për vrasjen e sipërmarrësit italian Edoardo Sarchi në Shqipëri, kërkesë urgjente për sqarim dhe ndërhyrje të menjëhershme të shtetit.
Confindustria Albania dhe Dhoma e Tregtisë Italiane në Shqipëri shprehin afërsi dhe solidaritet të thellë me familjen e sipërmarrësit italian Edoardo Sarchi, i cili u vra tragjikisht pranë Tepelenës.
"Jemi të tronditur nga kjo ngjarje dramatike, lexohet në komunikimin për mediat, dhe kërkojnë me forcë që autoritetet shqiptare të nisin menjëherë një hetim të plotë, transparent dhe të shpejtë, me qëllim që të hidhet dritë e plotë mbi rrethanat e ngjarjes. "
"Është e domosdoshme të identifikohen autorët dhe të garantohet drejtësia pa asnjë vonesë, në respekt të plotë të shtetit të së drejtës".
Confindustria italiane në Shqipëri e Dhoma italiane e tregtisë theksojnë se "Ngjarje të kësaj rëndësie nuk mund të mbeten të pandëshkuara: siguria dhe besimi janë kushte themelore për praninë dhe aktivitetin e operatorëve ekonomikë italianë në Shqipëri.
Prandaj, u bëjmë thirrje autoriteteve kompetente: të mobilizojnë të gjitha burimet hetimore të nevojshme, edhe në bashkëpunim me institucionet italiane; të informojnë rregullisht opinionin publik mbi ecurinë e hetimeve; të garantojnë mbrojtje për këdo që mund të kontribuojë në zbardhjen e fakteve.
"Me këtë komunikatë, mbyllet apeli i tyre, riafirmojmë angazhimin tonë për të promovuar kushte të plota ligjshmërie dhe sigurie për qytetarët dhe për komunitetet sipërmarrëse italiane dhe shqiptare."
