Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
AKTUALITET
Dosja SASPAC/ Avokatët kërkuan të njihen me një pjesë të provave, dështon seanca paraprake
M.B.Përditësimi i fundit 18 Prill 2025, 13:59
TIRANA- Ka dështuar këtë paradite seanca paraprake për dosjen e SASPAC, me të pandehur ish-drejtorin e kësaj agjencie njëherësh ish-ministrin e Shëndetësisë Ilir Beqajn. Bëhet me dije se avokatët kërkuan të njihen me një pjesë të provave të cilat pretenduan se nuk janë dhënë gjatë fazës së hetimit, për të patur mbrojtje më eficente gjatë shyqrtimit gjyqësor.
Gjithashtu mësohet se një tjetër kërkesë ishte marrja e materialeve të akt-ekspertimit nga zbërthimi i telefonave, USB-ve dhe kompjuterave. Ndërkohë, seanca e radhës u la më 6 maj në orën 10:00. Prokuroria e Posaçme mbylli hetimet për këtë dosje në fillim të muajit prill, dhe dërgoi kërkesën për gjykim ndaj Ilir Beqajt, 8 të pandehurve të tjerë dhe dy shoqërive tragtare lidhur me dosjen e SASPAC.
Beqaj akuzohet për kryerjen e veprave penale: “Korrupsion pasiv i funksionarëve të lartë shtetërore” kryer në bashkëpunim (2 herë); “Shkelja e barazisë së pjesëmarrësve në tendera apo ankande publike” kryer në bashkëpunim; “Falsifikim i dokumentave”, nga personi që ka për detyrë kryer në bashkëpunim, e kryer 9 herë; “Mashtrim” kryer në bashkëpunim me pasoja të rënda kryer 2 herë; “Mashtrim” kryer në bashkëpunim”, e kryer 3 herë; “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, e kryer 3 herë.
Në njoftimin e SPAK thuhet se në kuadër të hetimeve është vendosur sekuestro preventive mbi pasurinë e paluajtshme (apartament), me vendodhje në Lungomare, Vlorë dhe disa llogarive bankare, e të tjera sekuestruar të pandehurve, si më poshtë vijon:
14 323 125 (katërmbëdhjetë milion e treqind e njëzetë e tre mijë e njëqind e njëzetë e pesë) lekë;
15 542 (pesëmbëdhjetë mijë e pesëqind e dyzetë e dy) euro;
42 318 (dyzetë e dy mijë e treqind e tetëmbëdhjetë) USD;
19.4% të kuotave të shoqërisë tregtare “Albanian Food and Hospitality Services” sh.p.k.
Tre automjete regjistruar në pronësi të pandehurve
Prokuroria e Posaçme njoftoi gjithashtu se hetimet po vazhdojnë për fakte të tjera penale të rezultuara gjatë këtij procedimi penal.
