Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
AKTUALITET
Drama e 77-vjeçares me djalin e sëmurë: Do të digjem në mes të sheshit
PiranjatPërditësimi i fundit 29 Nëntor 2025, 10:19
Sulltane Picari, një 77-vjeçare nga Vora, prej dy vitesh endet rrugëve bashkë me djalin e saj, Altinin, i cili vuan nga çrregullime të shëndetit mendor. Kalvari i vuajtjeve të saj nisi pasi Agimi, një tjetër nga djemtë e saj, e nxori nga shtëpia së bashku me Altinin.
“Nusja ishte shkaktare, i thoshte që nuk dua të rrinë në shtëpi, se hapën një biznes, një kafene dhe një dyqan. U mërzit nusja, se nuk i shkonin njerëzit te dyqani prej fëmijës së sëmurë,” tregon Sulltania.
Për ta bërë të qartë, zonja Sulltane ka pasur 11 fëmijë, por sot jetojnë vetëm tetë prej tyre, pasi tre djem me probleme të shëndetit mendor kanë ndërruar jetë. Aktualisht, ajo ka gjashtë vajza dhe dy djem: Agimin dhe Altinin.
77-vjeçarja dikur jetonte në një banesë me djalin e sëmurë, me vajzën Elizabetën dhe mbesën e saj, Anën. Banesa ku jetonin së bashku ishte një ndërtesë dykatëshe, ndërsa Agimi kishte një tjetër ndërtesë trekatshe, ku jetonte me familjen e tij. Por sot të dyja këto ndërtesa i gëzon vetëm Agimi.
Që prej kohës kur Agimi ka fituar gjyqin, Sulltania është endur nga një vend në tjetrin dhe aktualisht jeton në kushte të mjerueshme së bashku me djalin e sëmurë dhe të afërmit e tjerë. E gjendur në këto kushte, ajo kërkon ndihmë për të gjetur një banesë modeste.
“Asnjë ndihmë nuk kam, prandaj them, bëni çmos, aman, mendoni për mua. Mendoni për atë sakatin, se edhe ai rob Zoti është, edhe ai shpirt ka. Ose, nëse nuk bëhet gjë, unë do t’i bëj një gjë vetes, se nuk duroj dot ta kaloj dimrin jashtë. Do të digjem vetë bashkë me këtë, në mes të Vorës, që ta shikojë gjithë mileti se jam duke vuajtur shumë"./piranjat.news
Të gjitha të drejtat e këtij materiali janë pronë ekskluzive dhe e patjetërsueshme e Piranjat.al sipas ligjit Nr. 35/2016 “Për të drejtën e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi pa autorizimin e Piranjat.al në të kundërt çdo shkelës do të mbajë përgjegjësi.
