Gjatë deklaratës së tij pas seancës në Kuvend kreu demokrat Berisha tha për gazetarët se, ‘Edi Rama është n&e...
AKTUALITET
Sinanët fundosin Air Albania/ Avion pas avioni nën sekuestro
PiranjatPërditësimi i fundit 14 Shtator 2025, 22:49
Air Albania, ajo që do të ishte krenaria ajrore e Shqipërisë, po shkojn gjithnjë e më drejt rrënimit të plotë. Megjithëse ka rënë në greminë, kompania nuk ka shpallur ende falimentin. Fluturimet janë pezulluar njëra pas tjetrës, avionët janë larguar ose sekuestruar nga pronarët, dhe flota është reduktuar në një mjet të vetëm të marrë me qira, që operon vetëm linjën Tiranë–Stamboll.
Nga katër avionët që kompania ka përdorur gjatë vitit të fundit, dy janë zhdukur nga shërbimi. Shkaku është i njëjtë; mos kryerja e pagesave. Airbus-i ZA-MMK ndodhet në Stamboll që nga 8 shkurti 2024, i parkuar dhe i paoperueshëm për shkak të një defekti të rëndë në motor.
Airbus-i ZA-ASM, u sekuestrua nga kompania Etihad më 6 gusht 2025, pas një udhëtimi Tiranë–Stamboll, dhe nuk është kthyer më në Shqipëri. Pas sekuestrimit të avionit ZA-ASM, pronari i mjetit në bashkëpunim me Turkish Airlines e tërhoqi nga shërbimi dhe e pozicionoi në Stamboll.
Ndërkohë që problemet financiare për Sinan Idrizin thelloheshin, edhe problemet ligjore nuk mbeten mbrapa. Sipas ligjit, kompania duhet të paktën një avion “dry lease” në përdorim. Air Albania nuk e kishte as këtë, duke mbulur sekuestrimin e avionit sikur ishte në mirëmbajtje. Një Boeing 737-800 me regjistrim UR-SQO, i marrë nga SkyUp, bëri bujë të madhe në media se Air Albania shtoi flotën ajrore me dy avionë dhe hapi destinacione të reja.
Mirëpo, një muaj pas hapjes së destinacioneve të reja, avioni i marrë me qira nga kompania ukrainase SkyUp u tërhoq, pasi Air Albania nuk pagoi detyrimet duke përfunduar në proces gjyqësor. Pezullimi i linjave ndodhi në kulmin e sezonit turistik, duke lënë mijëra pasagjerë pa asnjë zgjidhje dhe pa asnjë procedurë rimbursimi.
Në qendër të kësaj skeme që e çoi krenarinë e shqiptarëve drejt kolapsit dhe e inaguruar me shumë bujë nga kryeministrit Edi Rama, është Sinan Idrizi, themeluesi dhe aksioneri kryesor.
Kompania mori pagesa fiktive nga Air Albania për shërbime të pa kryera. As kryeministri, as drejtoria e Aviacionit Civil nuk kanë marrë asnjë masë, duke i lënë të pandëshkuara shkeljet e rënda financiare dhe operacionale.
Kompania që duhej të mbante flamurin shqiptar në qiell, sot është kthyer në një histori borxhesh, avionësh të sekuestruar, gjyqe ndërkombëtare dhe fonde të dyshuara të zhdukura. Asgjë tjetër nuk mund të pritet përveç shpalljes së falimentit.
