Influencerja e njohur Dea Mishel ka ironizuar keq kryeministrin Edi Rama përmes një komenti të bërë në një postim të k...
AKTUALITET
Dyshohet se goditi me thikë vëllanë e tij, arrestohet 35-vjeçari!
PiranjatPërditësimi i fundit 15 Dhjetor 2025, 11:13
Policia ka arrestuar një 35-vjeçar, i cili ka goditur me thikë vëllain e tij dyshohet për motive të dobta.
46-vjeçari me iniciale A. A., ka shkuar në spital me dëmtime në dorë të shkaktuara me mjet prerës, ndërsa ndodhet jashtë rrezikut për jetën.
Pas ngjarjes, u arrestua i vëllai, 35-vjeçari me iniciale B. H., të cilit iu sekuestrua në banesë thika me të cilën dyshohet se ka kryer plagosjen dhe disa fishekë arme gjahu.
Njoftimi:
Elbasan/ Goditi me thikë, vëllanë e tij, për motive të dobëta, vihet në pranga 35-vjeçari.
Sekuestrohen mjeti prerës thikë dhe disa fishekë arme gjahu, që u gjetën në banesën e 35-vjeçarit.
Pas marrjes së njoftimit se në Spitalin Rajonal Elbasan ishte paraqitur për të marrë ndihmë mjekësore, një 46-vjeçar, me dëmtime të shkaktuara me mjet prerës, shërbimet e Komisariatit të Policisë Elbasan organizuan menjëherë punën për zbardhjen e rrethanave të rastit.
Si rezultat i veprimeve të shpejta hetimore, u kap dhe u arrestua në flagrancë autori i dyshuar, shtetasi B. H., 35 vjeç, banues në fshatin Labinot Fushë, i cili dyshohet se ka goditur me mjet prerës (thikë), në dorë, vëllanë e tij, shtetasin A. A., 46 vjeç, për motive të dobëta. I dëmtuari është jashtë rrezikut për jetën.
Gjatë kontrollit në banesën e 35-vjeçarit, u gjetën dhe u sekuestruan thika me të cilën dyshohet se ka kryer krimin dhe disa fishekë arme gjahu.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
