Porti i Durrësit, i identifikuar nga agjencitë partnere ndërkombëtare si një pikë kyçe për trafikun e lëndëve narkotike, prej katër vitesh nuk regjistron asnjë sekuestrim të sasive të kokainës apo heroinës.
Ky paradoks alarmant sipas gazetarit të Syri Tv, Fatjon Gjinaj, ngre pyetje të rënda mbi rolin dhe vullnetin e autoriteteve shqiptare në luftën kundër krimit të organizuar, veçanërisht pas operacionit të fundit të prokurorisë së Milanos që çoi në pranga disa biznesmenë shqiptarë të lidhur me ‘Ndrangheta-n.
I ftuar në edicionin e mbrëmjes në Syri Tv, Gjinaj tha se në Shqipëri, ndërrimi i një drejtori në Portin e Durrësit bën më shumë bujë sesa çdo emërim tjetër në administratë, një fakt që nënvizon rëndësinë strategjike të këtij institucioni për rrjetet kriminale.
Sipas gazetarit, janë agjencitë ndërkombëtare të zbatimit të ligjit si DEA amerikane, Europol dhe Eurojust, të cilët e cilësojnë portin si një pikë hyrëse dhe dalëse për drogën, ndërsa strukturat ligjzbatuese vendase duket se “mbyllin sytë”.
Mungesa e plotë e statistikave për goditjen e trafikut në këtë pikë strategjike, cilësohet si një tregues i qartë se “diçka nuk funksionon qëllimisht” dhe se “shteti është palë” në këtë aktivitet kriminal. Operacionet e fundit kanë nxjerrë në pah një model shqetësues: biznesmenë me precedentë të theksuar penalë, investojnë lirshëm miliarda euro me origjinë të dyshimtë në Shqipëri.
Paratë e krimit, shprehet Gjinaj, pastrohen kryesisht në ndërtimin e resorteve luksoze dhe pallateve përgjatë bregdetit, duke shërbyer jo për zhvillim, por për atë që cilësohet si një “fatkeqësi kombëtare” pa asnjë vizion afatgjatë.
Kontrasti mes veprimit ndërkombëtar dhe pasivitetit vendas është i thellë, ku ndërsa partnerët e huaj kanë arritur të godasin dhe shkatërrojnë organizata kriminale shqiptare nga Amerika Latine deri në Finlandë, brenda kufijve të Shqipërisë lufta duket se ka ngecur.
Sipas Gjinajt, vetëm një organizatë kriminale shqiptare e dokumentuar, gjeneronte pasuri me vlerë 8.8 miliardë euro, një shifër sa i gjithë buxheti vjetor i shtetit. Përballë kësaj, autoritetet shqiptare mburren me sekuestrimin e vetëm 65 milionë eurove pasuri, një pjesë e të cilave madje u rikthehen pronarëve përmes “marifeteve gjyqësore”.
Kjo situatë jo vetëm që dëmton imazhin e vendit, por krijon një mjedis ku krimi i organizuar vepron i pashqetësuar, duke e kthyer Shqipërinë në një parajsë për pastrimin e parave të drogës.
Në Shqipëri nuk përbën lajm nëse emërohet një drejtor i rëndësishëm i kulturës apo një drejtor i rëndësishëm i sektorëve që kanë të bëjnë me financat dhe ekonominë, por ë, është lajm bombastik nëse ka një zëvendësim, largim apo ardhje të një drejtori të portit të Durrësit. Është fakt. Në Shqipëri ka njerëz që nuk ekzistojnë në regjistrat e të dhënave mbi aktivitetin e bizneseve të ndryshme, që kanë hartuar një projekt, që kanë fituar me meritë një projekt, apo që kanë shpalosur një platformë ose kanë nisur një biznes mbi të cilin të kenë të dhëna të arsyetuara dhe të justifikueshme për vënien e pasurive. Por në Shqipëri ka biznesmenë që njihen për precedentët e tyre të theksuar penal, sikurse u tregua edhe në materialin e parë që u trajtua, një pjesë e këtyre subjekteve kanë qenë subjekte të drejtësisë shqiptare dhe më bëri përshtypje kur po kërkoja për këto emra, ne i njohim sepse i ndeshim pothuajse përditë, ë, të disa prej emrave, janë, gjëja e parë që të del është që përveç të tjerave është administratori i filan shoqërie, është pronari i filan ë, zone të frekuentuar, kryesisht në bregdetin e vendit, në jug, në Palasë, ku u kapën disa prej tyre, u arrestuan në vila luksoze dhe në shoqërinë e njerëzve të llojit të tyre, apo edhe në bregdetin e Durrësit, përgjatë pothuajse gjithë vijës bregdetare. Rezulton, për shembull, biznesmeni Artur Haxhosmani, biznesmeni Ermir Ndrejaj, biznesmeni Ilir Loshaj, biznesmen me e të tjerë e me radhë.
Do të thotë se jemi përballë një situate që e ka një kuptim. Dhe nuk i solla kot të dyja bashkë për të dalë në përfundimin që ë, po ndodh që në portin e Durrësit prej katër vitesh nuk kapet asnjë sasi e lëndëve narkotike që është edhe ajo më fitimprurësja, kokaina ose heroina. Nuk kapet. Dhe si ka mundësi që agjencitë partnere e përcaktojnë portin e Durrësit si një pikë nyje hyrëse e lëndëve narkotike, por edhe dalëse dhe nuk konstatohet. Ka një lloj sqarimi në disa prej operacioneve të zhvilluara nga SPAK që kanë qenë gjithmonë të monitoruara e të drejtuara dhe të koordinuara nga partnerët ndërkombëtarë, që është mosndërhyrja në kohë ë tek goditja e rasteve të trafikimit... Jo, e kam fjalën për operacione që kanë të bëjnë me zbulimin e laboratorëve që u bë para disa kohësh, që ka ndjekur çfarë itinerari do të ndjekë. Ka qenë edhe një rast i ardhjes së drogës përmes, po pikës më të afërt po përmend Greqinë, kaloi në territorin shqiptar dhe u drejtua drejt Malit të Zi, por janë raste që kanë qenë nën monitorim të DEA-s amerikane dhe të agjencive të tjera partnere si Europol apo Eurojust.
Është një anë pa portobello Armela, dhe e them me bindje këtë, sepse përderisa ti në raportet ndërkombëtare të agjencive prestigjoze dhe të institucioneve shumë serioze ndërkombëtare, rezulton që je një port pritëse apo përcjellëse e lëndëve të forta narkotike, detyrimisht që duhet të ketë edhe një statistikë dhe bilanc të autoriteteve ligjzbatuese vendase, që nuk ekziston. Që do të thotë se shteti është palë. Dhe shteti, nuk mund ta them unë se cila prej strukturave të shtetit, po diçka aty nuk funksionon. Nuk funksionon dhe kam bindjen që nuk funksionon qëllimisht. Dhe si zbërthehet kjo dhe si kuptohet kjo që është kthyer në standard? Tek mos-trazimi i elementëve të krimit të organizuar dhe të elementëve të grupeve të strukturuara kriminale, madje deri në organizata kriminale, ë të lejimit të aktiviteteve të tyre për të pastruar para në vendin tonë. Dhe këto para nuk pastrohen në investime për të ringritur fshatrat apo për të ringjallur kujtimet historike të vendit, që i ka me shumicë, por ndodh për t'i dëmtuar këto, këto asete historike. Për të ndërtuar, për të ndërtuar pallate, për të ndërtuar resorte, për të ndërtuar projekte që i shërbejnë pompozitetit të momentit, por që janë edhe për mendimin tim një fatkeqësi kombëtare, sepse një investim pa vizion, sepse nuk mund të presim që elementët e krimit të organizuar të kenë një vizion. Ata duan të pastrojnë para. Problemi i tyre vetëm është kaq.
Kemi patur bashkëpunim deri tek Finlanda. Po, me të cilën s'kemi pasur marrëdhënie. Para disa kohësh u godit një grup i strukturuar kriminal. Dhe janë, këto janë edhe sinjalizime që bëhen nga partnerët e huaj ndaj drejtësisë shqiptare. Veproni sepse nuk mund të vendosim drejtësinë ne për ju. Ata po, kanë shkatërruar, është fakt, janë shkatërruar një sërë organizatash kriminale, edhe në krimin transnacional ndërkombëtar të shqiptarëve, nga Amerika Latine në Europë dhe në të gjitha vendet e Bashkimit Europian. Kanë patur një goditje domethënëse. Diku me ndërhyrjen e DEA-s, diku me Eurojust-in, Europol-in, agjencitë... Po ka ndodhur jashtë kufijve tanë. Ajo çfarë duhet të ndodhë në Shqipëri dhe nuk po ndodh, dhe është e pajustifikueshme, është gjithë ai investim që është bërë te drejtësia jonë, edhe e konsiderojmë si një gjë të jashtëzakonshme që kemi sekuestruar 65 milionë euro pasuri. E kam thënë, e them dhe e rithem, që 8.8 miliardë saqë është buxheti i vitit që po lëmë pas në Shqipëri, e kishte vetëm një organizatë kriminale shqiptare e dokumentuar, përveç pasurisë që dispononte dhe humbjes së busullës për autoritetet se ku është dhe kujt është. Pra e dispononte vetëm një grup. Dhe kjo mburrja me 65.5 milionë euro të sekuestruara dhe që ato në disa raste ka patur ndërhyrje të jashtëzakonshme për t'i përfituar dhe për t'iu rikthyer sërish pronarëve, qoftë me vendime gjyqësore por edhe me marifete që përdoren.
Ka me dhjetëra pasuri të sekuestruara me vlerë marramendëse në Shqipëri që pavarësisht se janë në administrimin e Institutit dhe Drejtorisë së Menaxhimit të Pasurive të Konfiskuara apo Sekuestruara, janë në fazë ngrirjeje, që s'dihet askush nuk e di se kush i ka sot. Kush i përdor. Dhe janë restorante, janë hotele, që nuk kanë kaluar as në një përfitim të drejtpërdrejtë të shtetit. Përdoren marifete, proceduriale, ligjore, vendime gjyqësore dhe aktiviteti vazhdon. Dhe së fundmi ka ndodhur me një nga bandat më të fuqishme në Durrës, në zonën e Shijakut, që kanë aktivitet në zonën bregdetare dhe askush nuk di të përgjigjet se kush e ka sot, si e administron, cilat janë të ardhurat që i shkojnë shtetit për aq kohë sa janë nën sekuestro, pa kaluar tek konfiskimi. Pra, këtu është një mishmash i madh, zinxhirët nganjëherë duket sikur nuk janë të lidhur me njëri-tjetrin, nuk flasin me njëri-tjetrin, duken si dy fqinj që janë zënë për vijën e ujit edhe nuk diskutojnë, nuk ushtrohen për të arritur një plan konkret të përbashkët për të goditur këtë element. Dhe duket sikur s'flasim me njëri-tjetrin. Kjo përkthehet edhe tek ajo që u ceket ju më parë, për të mos u zgjatur, tek mungesa e besimit të ndërsjellë midis autoriteteve të zbatimit të ligjit në Shqipëri. Është pothuajse zero besimi.
Artikuj te sugjeruar
AKTUALITET
26 Nëntor19:36
Kush është "skifteri" nga Tirana që terrorizoi Spanjën. Grabiti 1.2 milionë euro bizhuteri! Si e hapi kasafortën me stetoskop
Policia e Spanjës arrestoi një shqiptar të dyshuar për vjedhjen e një argjendarie në një qendër tregtare në Madrid....
AKTUALITET
26 Nëntor19:34
Plagosi bashkëmoshatarin në Durrës, zbardhet dëshmia e 14-vjeçarit. Çfarë thotë ai për ngjarjen
14-vjeçari i cili plagosin bashkëmoshatarin e tij në Durrës ka dhënë dëshminë e tij në prani të psikolo...
AKTUALITET
26 Nëntor18:58
'Ndërmjetës' i mafias/ Si emigranti shqiptar ndihmoi perandorinë e drogës prej 4 milionë paundësh në të gjithë Skocinë (emri)
Një emigrant i paligjshëm shqiptar, i punësuar nga një bandë kriminale për aftësitë e tij në përkthimin e gjuh...
AKTUALITET
26 Nëntor18:00
Çështja “Bankers”/ Deputeti nxjerr dokumentin: Si u zhdukën 120 mln euro me firmën e Ballukut
Deputeti Agron Shehaj ka publikuar ditën e sotme një shkresë që sipas tij tregon se qeveria shqiptare nëpërmjet Belinda Ballukut, ...
AKTUALITET
26 Nëntor17:46
Kryen grabitje me vlerë 200 000 euro, policia hyn me forcë në banesën e shqiptarëve. Sapo ishin kthyer nga aksioni
Ata kishin kryer disa vjedhje në zonën e Padovës, që përfshinin të paktën 200,000 euro, dhe policia arriti të gjente str...
AKTUALITET
26 Nëntor16:47
Kultivuan tonelata me kanabis, kush janë 9 të dënuarit përfshirë gra (emrat)
GJKKO ka dhënë dënimet për një grup kriminal që merrej me kultivimin e lëndëve narkotike. Me vendim të GJKKO dë...
AKTUALITET
26 Nëntor16:24
Zbardhet emri, SPAK propozon drejtuesin e ri të Byrosë Kombëtare të Hetimit
Joni Keta është propozuar zyrtarisht nga Prokuroria e Posaçme për në krye të Byrosë Kombëtare të Hetimit.
Treshj...
AKTUALITET
26 Nëntor16:25
Skandali “Bankers” trondit administratën! SPAK zbarkon në Tatime e Dogana, nën hetim zyrtarë të lartë
Hetimi për Bankers Petroleum Albania, i cili tashmë ka kaluar në dorë të SPAK, ka marrë përmasa edhe më të gjera.
...
AKTUALITET
26 Nëntor16:16
Aksident i rëndë në aksin Levan-Tepelenë, dyshohet për të plagosur
Aksident i rëndë në aksin Levan-Tepelenë, dyshohet për disa të plagosur...
AKTUALITET
26 Nëntor16:15
“Hajde sqarohemi!”/ Sherri nisi në rrjetet sociale dhe përfundoi në përleshje me thika, 15-vjeçari në Durrës u godit 4 herë me mjet prerës (Detajet)
Një konflikt që dyshohet se ka nisur fillimisht në rrjetet sociale mes adoleshentëve përfundoi në sherr masiv mes dy grupeve, p&eu...
