Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
AKTUALITET
EMRAT/ Mashtronin qytetarët duke u marrë kartat ID dhe duke aplikuar për kredi në emër të tyre, arrestohen 2 persona në Fier
M.B.Përditësimi i fundit 2 Tetor 2024, 12:12
FIERI- Dy persona janë arrestuar në Fier psi dyshohet se mashtronin qytetarët duke tërhequr kredi në emër të tyre. Në pranga ranë të dyshuarit Ardit Hoxha dhe Fatmir Sadiku, 28 dhe 29-vjeç, banues në fshatin Vidhisht dhe në Patos. Ata u merrnin qytetarëve, nëpërmjet mashtrimit, kartat e identitetit dhe i përdornin ato për të aplikuar për kredi. Të dyshuarit u luteshin qytetarëve të ndryshëm që t’u jepnin kartën e identitetit me pretendimin se duhet të tërhiqnin para që u kishin dërguar të afërmit e tyre nga jashtë vendit, me pretendimin se kishin harruar në shtëpi kartën e tyre.
asi bënin fotokopjimin e kartave në fjalë, dy të rinjtë më tej aplikonin për kredi në bankat e nivelit të dytë. Pasi lajmëroheshin nga banka për të paguar kreditë, të habitur qytetarët i janë drejtuar Policisë së Fierit me denoncim. Në cilësinë e provës materiale u sekuestruan 3 celularë, një shumë parash dhe disa fatura. Policia sqaroi më tej se po vijon puna hetimore për të dokumentuar edhe raste të tjera të mashtrimit që mund të kenë kryer këta shtetas.
“Si rezultat i informacioneve të siguruara nga inteligjenca policore dhe i punës së shpejtë hetimore, u bë i mundur identifikimi, kapja dhe arrestimi në flagrancë i shtetasve: A. H., 28 vjeç, banues në fshatin Vidhisht, dhe F. S., 29 vjeç, banues në Patos, (Ardit Hoxha dhe Fatmir Sadiku). Nga veprimet hetimore dyshohet se këta shtetas, në bashkëpunim me njëri-tjetrin, nëpërmjet mashtrimit, iu merrnin qytetarëve, kartat e identitetit, dhe i përdornin ato për të aplikuar për kredi”, njoftoi policia.
