Në fund të shtatorit, kryeministri Edi Rama paralajmëroi se telefoni celular nuk mund të trajtohej më si një derë e hapur p...
AKTUALITET
EMRAT/ Përplasje me armë zjarri në Shkodër, dy të arrestuar, një në kërkim
PiranjatPërditësimi i fundit 26 Qershor 2026, 10:01
Dy persona janë arrestuar nga Policia e Shkodrës, ndërsa një tjetër është shpallur në kërkim, pas një konflikti me armë zjarri të ndodhur mbrëmjen e 25 qershorit në lagjen “Tre Heronjtë”.
Sipas Policisë, në pranga kanë Ndoc Lufi, 63 vjeç dhe Aleksander Fojleta, 27 vjeç, të dy banues në të njëjtën lagje. Nga hetimet paraprake rezulton se dy fqinjët janë konfliktuar për motive të dobëta dhe kanë qëlluar me armë zjarri për të kanosur njëri-tjetrin.
Si pasojë e të shtënave janë dëmtuar porta e oborrit të banesës së 63-vjeçarit, si dhe një automjet i parkuar brenda oborrit.
Gjatë kontrolleve, efektivët gjetën në banesën e Ndoc Lufit një armë zjarri kallashnikov, e dyshuar se është përdorur gjatë konfliktit. Ndërkohë, në banesën e peronit tjetër u sekuestruan municion luftarak dhe katër kallëpe me lëndë të dyshuar plasëse tritol.
Në vijim të hetimeve, Policia shpalli në kërkim një 26 vjeçar, banues në Shkodër, i cili dyshohet se ka qenë i pranishëm gjatë konfliktit, por nuk e ka kallëzuar ngjarjen.
Policia po vijon punën për kapjen e tij dhe për zbardhjen e plotë të rrethanave të rastit.
