Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
AKTUALITET
Emrat/ Rrëmbyen dy persona në vitin 2023, dërgohen në gjykim tre të dyshuarit. Shokët në kërkim
PiranjatPërditësimi i fundit 23 Dhjetor 2025, 20:48
Prokuroria pranë Gjykatës së Shkallës së Parë të Juridiksionit të Përgjithshëm në Sarandë ka përfunduar hetimet dhe ka dërguar për gjykim tre persona, të dyshuar për përfshirje në rrëmbimin e shtetasve Leonard Theodhori dhe Fatmir Sulovari, ngjarje e ndodhur në vitin 2023.
Sipas njoftimit zyrtar, të pandehurit Albi Mecini, Sebasatjan Lataj dhe Sofokli Baxherri akuzohen për veprat penale “Rrëmbimi ose mbajtja peng e personit”, “Deklaratat e rreme përpara oficerit të policisë gjyqësore” dhe “Trafikimi i mjeteve motorike”, të parashikuara nga nenet 109/3, 305/b dhe 141/a/2 të Kodit Penal.
Në përfundim të hetimeve për procedimin penal nr. 169/2023 dhe nr. 369/2025 (i ndarë nga procedimi penal nr. 169/2023), Prokuroria ka dërguar çështjen për gjykim, konkretisht:
Albi Mecini, i dyshuar për veprën penale “Rrëmbimi ose mbajtja peng e personit”;
Sofokli Baxherri, i dyshuar për veprën penale “Deklaratat e rreme përpara oficerit të policisë gjyqësore”;
Sebasatjan Lataj, i dyshuar për veprën penale “Trafikimi i mjeteve motorike”.
Prokuroria e Sarandës bën me dije se hetimet vijojnë për lokalizimin e dy shtetasve të rrëmbyer, si edhe për identifikimin e personave të tjerë të dyshuar të përfshirë në këtë ngjarje.
