Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
EMRI/ I riu shqiptar aplikon për leje qëndrimi me patentë qipriote, gjykata angleze e dënon me 4 muaj burg
E.DPërditësimi i fundit 27 Janar 2025, 19:13
ANGLI- Një 27-vjeçar shqiptar në Nottinghamshire përdori një patentë të rreme për të aplikuar për leje qëndrimi në MB. Mediat e huaja bëjnë të ditur se Armelind Pupla përdori një patentë qipriote dhe një foto të një personi tjetër kur bëri aplikimin për të qëndruar në MB edhe pas daljes së saj nga Bashkimi Europian.
Pas kësaj Home Office ngriti dyshime dhe nisi një hetim. Shtëpia e shqiptarit u kontrollua dhe në dhomën e tij të gjumit u gjet një patentë shoferi britanike dhe një kartë bankare në emër të një burri qipriot, sipas prokurores Lauren Elliott.
“Në raste të tilla, leja e qëndrimit duhet të hiqet, por ky person nuk ka pasur sjellje të dyshimtë jo vetëm kur ka jetuar në Britaninë e Madhe, por as në vendet ku ka jetuar më parë. Çështja nuk është nëse është thyer ligji, por nëse duhet të ketë masë të menjëhershme. Ky person është një njeri i mirë që paraqet një rrezik të ulët për të kryer sërish këtë vepër penale. Ai kishte një leje drejtimi të rreme. Punonte në Britaninë e Madhe duke marrë para në dorë.
Është gabim, por donte të bëhej qytetar i ligjshëm, punëtor, dhe kështu filloi procesi. Personi në fjalë ka punuar me orë të gjata për të ndihmuar gruan e tij, veten dhe prindërit e moshuar. Ai jo vetëm që punon, por ai mbështet shkollimin e gruas së tij e cila po përpiqet të bëhet dentiste dhe ne kemi nevojë për dentistë këtu në MB. Është kontributi i tij financiar që paguan për këtë. Ai është duke u trajnuar për tu bërë hidraulik dhe njëkohësisht vazhdon shkollën e lartë. Ai nuk është dikush që përpiqet të jetojë duke shfrytëzuar shtetin dhe ironia është se ai tashmë ka të drejtë të jetojë këtu deri në vitin 2027”, tha avokati i tij, Gareth Gimson.
Prokurorja Elliott tha se Pupla, nga Cherry Tree Lane, e bëri aplikimin duke përdorur patentën e rreme. Ajo tha se fillimisht ishte refuzuar dhe një aplikim i dytë ishte dorëzuar nga i pandehuri. Pupla u deklarua fajtor për akuzën e posedimit të një dokumenti të rremë identiteti por ai nuk ka asnjë dënim të mëparshëm as në MB, as në vende të tjera. Regjistruesja Anna Marie Trussler i dha atij një dënim me katër muaj burg, të pezulluar për një vit, me 80 orë punë të papaguar.
