Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
AKTUALITET
EMRI- Identifikohet shqiptari që u vra në Spanjë
PiranjatPërditësimi i fundit 4 Maj 2023, 15:00
Është identifikuar i riu shqipar që ndërroi jetë në dyert e shërbimit të urgjencës Trueta në Girona, në Spanjë. Viktima është identifikuar si 29-vjeçari Endrit Sinaj, një person me precedentë të mëparshëm penal. Sinaj është ndaluar për trafik droge dhe grabitje të dhunshme në territorin spanjoll, por dhe në Shqipëri.
29-vjeçari u lirua me kusht pak ditë më parë, pasi u arrestua së bashku me një bashkatdhetar në kuadër të një operacioni të trafikut të marijuanës me qendër në Marbella. Sinaj u arrestua në La Selva dhe gjykata në Blanes, i dha atij liri të përkohshme, ndryshe nga kolegu i tij, i cili u burgos. Më 23 prill, një bashkatdhetar e la të plagosur para spitalit të Truetës, ku ndërroi dhe jetë. Ai ishte qëlluar me plumb në bark çka i shkaktoi vdekjen. Ende nuk dihet vendi i ngjarjes dhe autori i krimit. Autoritetet spanjolle po hetojnë, falë targës së makinës që kishin kapur kamerat, u gjet njeriu që e kishte lënë në urgjencën e Truetës: një djalë tjetër shqiptar. Sipas mediave spanjolle personi që e çoi në spital shpjegoi se ai e kishte marrë të plagosurin në anë të rrugës, por nuk dha asnjë informacion të mëtejshëm. Pas kontrolleve dhe verifikimeve të kryera nuk u konsiderua se ai kishte lidhje me krimin dhe ai u lirua dhe të nesërmen, si dhe iu kthye makina, një Seat Córdoba, me të cilën ai kishte çuar viktimën në El Trueta.
Endrit Sinaj kishte edhe llogari të hapura në Shqipëri, shkruajnë mediat spanjolle. Ai ishte pjesë e grupit prej pesë personash që u arrestuan në tetor 2020 në qytetin e Vlorës. Sinaj dhe kolegët e tij, pasi kishin kontrolluar objektivin e tyre me dronë, sulmuan një shtëpi të veshur me kapuç, të armatosur dhe duke u shtirur si policë. I zoti i shtëpisë dhe djali i tij u përballën me grabitësit për të parandaluar grabitjen duke bërë që agresorët të largoheshin.
Policia shqiptare zbardhi ngjarjen dhe sekuestroi një automjet Mercedes Benz, me të cilin autorët kishin shkuar në shtëpinë e bastisur dhe një Nissan që drejtohej nga njëri prej të dyshuarve në momentin e arrestimit.
Ata konfiskuan gjithashtu telefona celularë dhe prova të tjera, por nuk e gjetën kurrë armën që kishin mbajtur kur kryen sulmin. Pesë të rinjtë u sollën para gjykatës dhe gjykata burgosi tre nga të dyshuarit (Alfred Shametajn, Ervin Dhima dhe Enerik Meçajn), ndërsa Endrit Sinaj dhe shoqëruesi i tij Lulëzim Elmazaj fituan lirinë e përkohshme me detyrimin për t’u paraqitur para gjykata kur ndodhi.
