EMRI/ Shiste drogë e cigare të kontrabanduara në tabakinon e tij, arrestohet 32-vjeçari në Krujë, iu gjet edhe një kallashnikov

pamje nga ngjarja

KRUJË- Arrestohet në flagrancë një 32-vjeçar në Krujë. Mësohet se 32-vjeçari Oltian Demiri, shiste në tabakinon e tij doza kanabisi, kokaine si dhe paketa cigaresh të kontrabanduara.

Gjithashtu bëhet me dije se Demiri mbante edhe një kallashnikov pa leje në biznesin e tij. Për pasojë janë sekuestruar një armë zjarri kallashnikov, municion luftarak, dhjetëra doza kanabis dhe kokainë, steka cigaresh të kontrabanduara, dhe shuma parash.

Njoftimi i Policisë:

Finalizohet nga Komisariati i Policisë Krujë, në bashkëpunim me strukturat për Hetimin e Krimit të Organizuar në DPPSh, operacioni policor i koduar “Tabachino”.

Arrestohet në flagrancë një 32-vjeçar që shiste në tabakinon e tij, lëndë të dyshuar narkotike dhe paketa cigaresh të kontranduara, si dhe mbante armë zjarri, pa leje.

Sekuestrohen 1 armë zjarri kallashnikov, municion luftarak, dhjetëra doza të lëndëve të dyshuara narkotike cannabis dhe kokainë, ssteka cigaresh të dyshuara të kontrabanduara, dhe shuma parash.

Shërbimet e Komisariatit të Policisë Krujë, në bashkëpunim me strukturat për Hetimin e Krimit të Organizuar në DPPSh, bazuar në inteligjencën informative për një shtetas që mbante sende të kundërligjshme në tabakinon e tij, në Budull, kanë organizuar dhe finalizuar operacionin policor të koduar “Tabachino”.

Gjatë operacionit u arrestua në flagrancë shtetasi Oltian Demiri, 32 vjeç, banues në Krujë, për veprat penale “Prodhimi dhe shitja e narkotikëve”, “Mbajtja pa leje dhe prodhimi i armëve, armëve shpërthyese dhe i municionit” dhe “Kontrabanda me mallra të tjera”.

Gjatë kontrollit në një subjekt (tabakino), në posedim nga 32-vjeçari, shërbimet e Policisë gjetën dhe sekuestruan në cilësinë e provës materiale, 1 armë zjarri kallashnikov me municion luftarak, dhjetëra doza të lëndëve të dyshuara narkotike kokainë dhe cannabis, steka me cigare të dyshuara të kontrabanduara, dhe shuma parash.

Materialet procedurale i kaluan Prokurorisë.

kruje droge