Deputeti i Partisë Demokratike, Luçiano Boçi thotë se deklaratat e bëra nga ish-zëvendëskryeministri Arben Ahmetaj n&eu...
AKTUALITET
"Erdha sot nga Franca, kam 20 vite që e ëndërroj këtë moment"/ Protestuesja- qytetarëve: Faleminderit që na kthyet në Shqipëri
PiranjatPërditësimi i fundit 19 Qershor 2026, 21:43
Një protestuese e cila ka udhëtuar posaçërisht nga Franca, është bërë zëri i shumë shqiptarëve në diasporë që kërkojnë ndryshim në vend.
Me një fjalim të mbushur me emocion, ajo tregoi se e ka ndjekur situatën në Shqipëri nga larg, duke rrëfyer se thirrjet e protestuesve e kanë shoqëruar edhe në jetën e saj të përditshme.
Ajo u shpreh se kishte 20 vite që e ëndërronte të ishte e pranishme në këtë revoltë, teksa shprehu edhe mirënjohje për organizimin e protestës.
“O Shqipëri, të mbushet shtëpia plot, të janë kthyer fëmijët. Erdha sot nga Franca, kam 20 vite që e ëndërroj këtë moment. Të mbushet shtëpia plot, jo vetëm nga ne që erdhëm, por edhe nga ju që keni qëndruar këtu 35 vite.
Sot ju përulem për të gjitha hallet, për të gjitha vështirësitë, për të gjitha momentet që keni menduar se jeni përkulur dhe keni përballuar një nga një të gjitha sfidat. Ja ku jemi sot të gjithë bashkë për të ngritur zërin tonë. Revolucion. Dua t’i them kryetarëve të vendeve të BE-së: populli që meriton të futet në Evropë është ky dhe jo qeveria. Faleminderit që na kthyet në Shqipëri”, tha ajo.
