Nga Paulin Vilajeti
Mirëmbrëma.
Unë jam pastor.Jam pastor që në ’92.Ditët e fundit pashë dy vende që u pre...
AKTUALITET
Florjan Binaj i bashkohet protestës së opozitës para Kryeministrisë
PiranjatPërditësimi i fundit 24 Janar 2026, 17:53
Protestës masive të opozitës i është bashkuar edhe aktivisti Florjan Binaj.
Protesta po mbahet nën masa të shtuara sigurie dhe po shoqërohet me thirrje dhe pankarta kundër qeverisë, ndërsa organizatorët kërkojnë ndryshime politike dhe përgjegjësi institucionale. Deri më tani, protesta po zhvillohet pa incidente.
Florjan Binaj njihet për qëndrimet e tij kritike ndaj qeverisë dhe angazhimin qytetar në çështje publike, çka e bën pjesëmarrjen e tij një mesazh të fortë mbështetjeje për protestën e sotme.
Kjo është protesta e dytë kombëtare e opozitës pas asaj të mbajtur më 22 dhjetor. Vendimi për intensifikimin e protestave erdhi pas publikimit të hetimeve të SPAK-ut lidhur me tenderat në infrastrukturë dhe rolin e zëvendëskryeministres Belinda Balluku, si dhe hetimeve për tenderat AKSHI-t.
Sipas kreut të PD-së, Sali Berisha, vendimi i kryeministrit Edi Rama për të kundërshtuar në Gjykatën Kushtetuese masën e sigurisë ndaj Belinda Ballukut, si dhe mosdhënia e imunitetit për zëvendëskryeministren, tregojnë se qeveria po pengon drejtësinë të veprojë. Në këto kushte, Berisha ka deklaruar se protestat mbeten e vetmja rrugë për opozitën.
Policia e Tiranës ka bërë publike planin e masave për garantimin e rendit dhe sigurisë gjatë protestës. Duke nisur nga ora 15:00 dhe deri në përfundim të tubimit, do të bllokohet qarkullimi i automjeteve në bulevardin “Dëshmorët e Kombit”, nga kryqëzimi pranë Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.
