Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
FOTO/ Kontrabanduan 20 emigrantë drejt Britanisë së Madhe, zbulohet jahti luksoz i përdorur nga bandat e dyshuara shqiptare
M.B.Përditësimi i fundit 20 Prill 2025, 14:51
BRITANI- Kontrabandistët e dyshuar shqiptarë kanë përdorur një jaht për të fshehur emigrantët që ishin nisur për në Britaninë e Madhe. Mediat vendase shkruajnë se mjeti lundrues besohet të ketë lundruar nga Brest, Francë dhe u kap në Kanalin Anglez gjatë rrugës për në Newquay në Bregun Jugor.
Jahti duket të jetë një Beneteau Oceanis Clipper 343, i përshkruar në internet si një jaht lundrimi familjar dhe versionet e përdorura të së njëjtës varkë janë në shitje online për nga 50,000-80,000 £. Ka dy kabina, gjashtë krevate dhe një banjë.
Sipas mediave britanike, bandat kriminale gjejnë mënyra të reja për t’iu shmangur autoriteteve pasi një marrëveshje e shpejtë e kthimit çoi në një rënie të ndjeshme të mbërritjes së shqiptarëve me varka të vogla.
Ndër artikuj është përmendur dhe rasti kur oficerët e Forcave Kufitare kontrolluan jahtin, gjetën 20 pasagjerë të fshehur. Të gjithë mendohet se janë shtetas shqiptarë. Bëhet me dije se 19 burrat dhe një grua janë arrestuar në pritje të largimit nga Britania e Madhe.
Sipas informacioenve, lidhur me ngjarjen, Bledar Bega, 44-vjeç, është akuzuar për “lehtësim të hyrjes së paligjshme” në vend. Ai u dërgua në paraburgim për t’u paraqitur në Truro Croën Court më 13 maj. Po ashtu, shqiptarët Florjand Lika, 30-vjeç dhe Romeo Zani, 32-vjeç, akuzohen për shkelje të urdhrave të dëbimit.
Të dy u deklaruan fajtorë në Gjykatën e Magjistraturës Bodmin më 15 prill. Ata u dërguan në paraburgim për t’u paraqitur në Truro Crown Court për dënimin muajin e ardhshëm.
