Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
Mungon masa e sigurisë?! Arrestimi i shefit të Rrugores së Tiranës dhe 2 zyrtarëve të tjerë/ SPAK pritet t’i drejtohet me kërkesë GJKKO-së
M.B.Përditësimi i fundit 20 Prill 2025, 14:19
TIRANA- Gjykata e Posaçme duket se nuk ka lëshuar asnjë masë sigurie për drejtuesin e Policisë Rrugore të Tiranë, Roven Zeka, shefin e Sektorit të Aksidenteve në Tiranë, Sokol Novaku, dhe oficerin e policisë gjyqësore, Edison Tabaku, të cilët u arrestuan ditën e djeshme.
Në media raportohet se prokurorja e çështjes, Elida Kaçkini, pritet t'i drejtohet me kërkesë GJKKO-së me orët në vazhdim. Gjithashtu në media shkruhet se nuk bëhet fjalë për mosreferim në prokurori të një aksidenti, por mosprocedim me arrestim.
Sipas të dhënave paraprake, zyrtarët dyshohet se kanë favorizuar kundrejt një shume prej 2 mijë eurosh drejtuesen e një automjeti të përfshirë në një aksident. Kjo e fundit ka shkaktuar një aksident rrugor dhe është proceduar në gjendje të lirë, megjithse nga aksidenti 2 persona kishin marrë ndihmë mjekësore në spital.
Po ashtu sipas informacioneve të deri tanishme, çështja e zyrtarëve të Policisë u zbulua nga përgjimet për një çështje tjetër hetimore. Lidhur me rastin thuhet se Zeka dhe Novaku u vetëparaqiten mesditën e së shtunës në drejtorinë vendore të policisë Tiranë, ndërsa Tabaku është arrestuar nga policia.
