Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
AKTUALITET
FOTO/ Të maskuar me skafandra, si ndodhi ekzekutimi i 34-vjeçarit Kristian Kola, autorët ende në arrati
PiranjatPërditësimi i fundit 5 Shtator 2025, 09:07
Shkodra u trondit mbrëmjen e së enjtes nga një atentat mafioz.
Kristian Kola ishte duke pirë kafe në mes të qytetit, në një lokal te ‘Kinema Republika’, kur dy autorë kanë qëlluar në drejtim të tij, duke e lënë të vdekur në vend.
Ndërsa, kanë kaluar më shumë se 10 orë nga ngjarja e rëndë, duket se policia është ende larg identifikimit apo kapjes së dy autorëve të dyshuar për vrasjen e 34-vjeçarit.
Kola ishte duke pirë kafe në ambientet e jashtme të lokalit, kur dy autorët me motor dhe skafandra në kokë, janë afruar dhe kanë qëlluar në drejtim të tij.
Ata janë larguar nga vendi i ngjarjes pa lënë gjurmë, pasi e qëlluan disa herë, me plumbat që e goditën në zonën e gjoksit dhe rezultuan fatale.
Njoftimi i Policisë së Shkodrës:
Shkodër / Informacion paraprak Rreth orës 22:30, në lagjen “Vasil Shanto”, në rrethana ende të paqarta, dy shtetas ende të paidentifikuar dyshohet se kanë vrarë me armë zjarri shtetasin K. K., 34 vjeç, i cili ishte në ambientet e jashtme të një lokali.
Shërbimet e Policisë kanë shkuar menjëherë në vendngjarje, janë ngritur pika kontrolli në dalje të qytetit dhe vijojnë kontrollet në zonë e në ambiente të ndryshme, për kapjen e autorëve.
Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave, dokumentimin ligjor, si dhe për identifikimin dhe kapjen e autorëve.
