Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Gazetari Osman Stafa publikon ankesën e mjekëve specializantë tek onkologjiku: Skandali më i frikshëm i QSUT-së
PiranjatPërditësimi i fundit 24 Tetor 2025, 11:19
Gazetari Osman Stafa ka bërë një tjetër denoncim të fortë ditën e sotme për onkologjikun.
Në dokumentin e publikuar nga ai, vihet re ankesa e 10 mjekëve specializantë, të cilët i kanë drejtuar ankesë drejtorit të kohës në QSUT, Enkel Joti. Në ankesë thuhej se biopsitë që vinin në laborator, futeshin 4 javë me vonesë në proçes. ''Ky akt shkon përtej çdo gjëje dhe është ç’njerëzor,'' shkruan gazetari Stafa në postimin e tij.
Më tej ai ngre dhe pyetje nëse ka filluar apo jo një hetim për këtë çështje dhe kush mban përgjegjësi nëse ankesa e mjekëve specializantë është e vërtetë.
Stafa shkruan ndër të tjera se ky mund të jetë skandali më frikshëm i QSUT-së.
Postimi i plotë
Nëse ky pretendim rezulton i vërtetë, është skandali më i frikshëm i QSUT-së. 2019! 10 mjekë e specializantë të Shërbimit të Anatomi Patologjisë në QSUT, (vendi ku bëhen biopsitë) i kanë dërguar një ankesë Drejtorit të QSUT-së së kohës Enkel Jotit dhe Ministrit të Shëndetësisë së kohës Ogerta Manastirliut. Ndër shumë deklarime, pretendimi se biopsitë që vijnë në laborator futen 4 javë me vonesë në proçes, është dëshmia më e frikshme e pretenduar. Dhe kjo sipas tyre bëhej me urdhër të Shefes së Anatomi Patologjisë, Majlinda Ikonomi. Nëse ky pretendim është i vërtetë, kemi të bëjmë me veprime ç'njerëzore, jo më krime, pasi vonesa e biopsive 1 muaj se kështu e ka kërkuar titullarja, dhe vonesa e proçesit të punës, prej gati 2 javësh, e çon vonesën e biopsisë në 1 muaj e gjys. A është e vërtetë kjo? A ka kryer QSUT ndonjë hetim? Po Ministria e Shëndetësisë, Ogerta Manastirliu, ka kryer ndonjë investigim të brendshëm për të kërkuar cila është e vërteta? Po ish-ministrja Albana Koçiu, kreu ndonjë hetim? Po mimistrja aktuale, Evis Sala, do kryej ndonjë hetim? A po gënjejnë 10 mjekët e specializantët e shërbimit, apo po thonë të vërtetën? Ky pretendim i tyre nëse është i vërtetë, është e frikshme me çfarë janë përballur pacientët që prisnin të kuptonin, kishin kancer apo jo? Dhe nëse po, kanë humbur kohë të vyet, në betejën e tyre për të mposhtur këtë sëmundje! 10 personat punonjës të atij shërbimi, që kanë firmosur këtë shkresë, mbajnë përgjegjësi për çfarë kanë deklaruar, dhe në një vend normal, ata duhet të thirren nga Prokuroria, për të dhënë dëshmitë e tyre. Këtu nuk kemi të bëjmë më me neglizhencë!
SPAK ka njoftuar se ka nisur një procedim penal lidhur me abuzimet me fondet e programit IPARD II, i cili financohet nga Bashkimi Europian për t&eum...
