Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
AKTUALITET
Gazetari Rai-t: Vrasës shqiptarë donin të më eleminonin, ndaj mora mbrojtje
PiranjatPërditësimi i fundit 22 Tetor 2025, 21:59
Gazetari i Rai-t, Sigfrido Ranucci, foli këtë të mërkurë lidhur me dyshimet për atentatin që iu bë disa ditë më parë në Itali. Ranucci tregoi se është kërcënuar nga një mafioz në Padova, i cili, sipas tij, kishte porositur vrasës shqiptarë për ta kërcënuar.
“Siç thashë, ne nuk kemi elementë që tregojnë se ky ka qenë një akt që ka lindur nga bota kriminale shqiptare. Ne kemi folur edhe për organizatat kriminale në Romë. Unë, për shembull, kam marrë masa mbrojtëse, sepse një i burgosur në Padova, i lidhur me ‘Ndrangheta-n, kishte biseduar me disa vrasës shqiptarë që të më vrisnin mua. Edhe kjo ishte arsyeja. Nuk kam pasur kërcënime nga mafia shqiptare", tha Ranucci.
I pyetur nëse shqiptari i ekstraduar nga Italia, Altin Sinomati është porositi i atentatin ndaj tij. Ranucci u shpreh se më parë ka marrë masa mbrojtjeje nga shteti pasi një narkotrafikant kishte urdhëruar bandat shqiptare që ta vrisnin. Ai theksoi se nuk ka ndonjë kërcënim apo mesazh material nga mafia shqiptare teksa shtoi se nuk mund të bëjë lidhje hipotetike të rasteve të mëparshme me atentatin ndaj tij.
“Siç thashë ne nuk kemi elementet për të thëne se ky akt ka lindur nga bandat kriminale shqiptare. Janë disa teme që i kemi prekur disa herë, duke folur për organizatat kriminale që lëvizin në Rome. Unë për shembull kam marrë masa mbrojte se një zotëri nga burgu i Padovas , një narkotrafikant lidhur me Ndragheta kishte biseduar me disa vrasës shqiptarë duke iu kërkuar të më vrisnin mua.
Unë kam marrë masa mbrojtje nga shteti dhe unë nuk kam pasur mesazhe materiale nga ana e mafia shqiptare. Çdo lidhje do ishte shume hipotetike e bazuar ne asnjë fakt”, u shpreh ai në euronews.
