Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
AKTUALITET
Gjobiti turisten dhe më pas i kërkoi t'i bënte follow në Instagram/ Pezulohet nga detyra punonjësi i policisë në Lezhë
n.fPërditësimi i fundit 19 Qershor 2024, 13:19
Gjoba
LEZHË- Një punonjës policie në Lezhë është pezulluar nga detyra, mësohet se pezullimi i tij ka ardhur nga një video e shpërndarë në rrjetet sociale ku duket polici i cili pasi gjobit turisten i kërkon që ti bëjë folloë ajo në Instagram.
Inspektori, Rogert Xhetani pasi vajza i ka bërë follow dhe e ka ndëshkuar me masë administrative 1000 lekë ka vazhduar duke biseduar me to në rrjetet sociale. Pasi janë bërë miq në rrjetet sociale ata kanë bërë edhe një selfie dhe polici i ka kërkuar turistes ti bëjë tag.
Në lidhje me rastin ka reaguar Drejtoria Vendore e Policisë Lezhë e cila ka bërë më dije se inspektori është pezulluar dhe ka nisur hetimi disiplinor ndaj tij.
Reagim i Drejtorisë Vendore të Policisë Lezhë
Në lidhje me sjelljen në mënyrë joprofesionale, gjatë kryerjes së detyrës, të punonjësit të Policisë Rrugore në Drejtorinë Vendore të Policisë Lezhë, inspektor R. Xh., gjatë komunikimit me një shtetase gjermane, Drejtoria e Standardeve Profesionale në Drejtorinë e Përgjithshme të Policisë së Shtetit ka pezulluar menjëherë punonjësin e Policisë dhe ndaj tij ka nisur ecurinë disiplinore.
Ndërkohë, Drejtori i Përgjithshëm i Policisë së Shtetit ka urdhëruar transferimin e mënjëhershëm të këtij punonjësi policie, nga Sektori i Policisë Rrugore në një strukturë tjetër të Policisë së Shtetit. Gjithashtu, sqarojmë se punonjësi i Policisë, përsa i përket zbatimit të procedurës ligjore për shkeljen e konstatuar, ka vepruar konform ligjit, konkretisht:
Më datë 10.06.2024, te kryqëzimi i Tales, shërbimet e Policisë kanë ndaluar automjetin me drejtuese shtetasen gjermane J. Ë., pasi kanë konstatuar se qarkullonte me njërën dritë të automjetit, të djegur. Pasi i kanë komunikuar arsyen e ndalimit, shërbimet e Policisë kanë konstatuar se shtetasja nuk dinte shqip dhe për këtë arsye komunikimin me të e kanë bërë nëpërmjet Google Translate. Për shkeljen e kryer (qarkullim me të meta teknike pamore), të parashikuar nga neni 79 i Kodit Rrugor, shtetasja J. Ë. është ndëshkuar me masë administrative 1000 lekë.
Shtetasja e huaj ka pranuar ta paguajë masën administrative në çast (në dorë) dhe për këtë arsye, konform nenit 205 të Kodit Rrugor, masa administrative është përgjysmuar në 500 lekë. Këto veprime janë të dokumentuara me fletën e masës administrative dhe me mandatin e arkëtimit për pagesën e bërë. Drejtoria Vendore e Policisë Lezhë fton qytetarët dhe median, që të denoncojnë në numrin 112, çdo paligjshmëri që hasin, duke iu garantuar reagim të mënjëhershëm dhe profesional.
