Pasuri me vlerë 77 milionë lekë janë vendosur nën sekuestro preventive në kuadër të hetimit të SPAK për traf...
AKTUALITET
Nga bizhutë te orët e shtrenjta e “derrkucët” e fëmijëve, zbulohet grupi i grabitësve shqiptarë tmerr i familjeve italiane
PiranjatPërditësimi i fundit 6 Nëntor 2025, 17:41
Mënyra e veprimit ishte gjithmonë e njëjtë: ata mbërritën me makina të mëdha, tre ose katër prej tyre.
Shoferi qëndronte si roje, ndërsa të tjerët, të pajisur me kaçavida dhe mjete të tjera të zanatit, hynin lehtësisht në shtëpi, zakonisht midis orës 5 dhe 8 të mbrëmjes, duke i vjedhur ato brenda pak minutash.
Karabinierët e Pordenones kanë identifikuar katër individë, të gjithë shqiptarë, që besohet të jenë përgjegjës për 13 vjedhje banesash të kryera midis shkurtit dhe marsit 2024, në pesë provinca në Friuli Venezia Giulia, Veneto dhe Lombardi.
Dy janë arrestuar, ndërsa të tjerët janë ende në kërkim, ndoshta pasi kanë ikur jashtë vendit. "Ata vodhën gjithçka nga shtëpitë: kryesisht para në dorë, bizhuteri, veshje firmato dhe në disa raste edhe armë të mbajtura ligjërisht.
Ata madje guxuan të vidhnin edhe kutitë e derrkucëve të fëmijëve”, tha Claudio de Leporini, komandant i Njësisë së Operacioneve të Karabinierëve të Pordenones. Të katër personat, të pastrehë, ishin të vendosur në zonën e Milanos. Banda akuzohet gjithashtu për pastrim parash dhe pranim automjetesh të vjedhura, si dhe për rezistencë ndaj arrestimit.
