Pasuri me vlerë 77 milionë lekë janë vendosur nën sekuestro preventive në kuadër të hetimit të SPAK për traf...
AKTUALITET
Kur paratë zhduken, ministrat fshihen – Kuvendi bosh: as ministra, as deputetë, vetëm karrige të zbrazëta!
PiranjatPërditësimi i fundit 6 Nëntor 2025, 15:35
Sot salla e Kuvendit është thuajse bosh. Edhe një punë të vetme që kanë që lidhet me marrjen pjesë në seancën plenare ata nuk e bëjnë, edhe pse paguhen nga taksapaguesit. Ndërsa në rend të ditës ishte raporti i Kontrollit të Lartë të Shtetit, deputetët kanë zgjedhur të mos marrin pjesë.
Në vend të debatit për mënyrën si përdoren paratë publike, karriget bosh treguan edhe një herë mungesën e përgjegjësisë nga ata që duhet të jenë aty për të përfaqësuar qytetarët. Duhet theksuar se në Shqipëri, paga mujore bruto e një deputeti është rreth 176,000 lekë, por me rritjen e fundit të pagave në vitin 2023, ajo shkon mbi 200,000 lekë bruto. Me shtesat për dieta, udhëtime dhe funksione të tjera, të ardhurat mujore mund të jenë më të larta.
Një bojkot në heshtje që duket si sabotim i vetë seancës, duke treguar se as vetë qeveria nuk po e merr seriozisht kontrollin dhe transparencën. Raporti i KLSH-së mbeti pa diskutim, ndërsa institucionet që duhet të mbajnë përgjegjësi për përdorimin e fondeve publike u injoruan plotësisht.
Një ditë tjetër ku Kuvendi nuk bëri detyrën e tij dhe një tjetër arsye pse qytetarët ndihen të përjashtuar nga politika.
