Ujë me piper, ujë me presion dhe gaz lotsjellës është përdorur nga policia në drejtim të protestuesve.
Ndërkoh&e...
AKTUALITET
Grabitja e bankës në Koplik, 19-vjeçari lirohet nga burgu pas trajtimit të 'Piranjat'
PiranjatPërditësimi i fundit 26 Maj 2023, 21:51
‘Piranjat’ publikuan në puntatën e parë të këtij sezoni në Syri Televizion temën e grabitjes së filialit të bankës, BKT, në Koplik. Ngjarja e ndodhur më 9 maj 2022, në orën 14:06, i ngjante një filmi hollivudian.
Tre persona të armatosur hynë brenda bankës me armë dhe morën 10 mijë euro, 1 mijë dollar dhe 4 milionë lekë të vjetra. Ata më pas u larguan me makinën e tyre ‘Golf 3’ të vjedhur dhe e dogjën pak kilometra më pas.
Policia pas 1 muaji zbardhi ngjarjen dhe arrestoi Bekim Gurrajn, Armir Shabaj dhe Admir Shabaj. Ky i fundit ishtevetëm 19-vjeçar dhe pretendonte se nuk kishte marrë pjesë në këtë ngjarje kriminale. Babai i Admirit, Kujtimi, në bashkëpunim me ‘Piranjat’ vendosi të jepte detaje të pakundërshtueshme se djali i tij nuk ishte pjesë e grabitjes. Ai tregoi se 19-vjeçari ishte së bashku me shokun e tij, Ralfin dhe nuk ishte prezent gjatë ngjarjes.
Deklarata e tij mbështetet dhe nga varianti i Ralfi Malajt dhe një video të publikuar nga ai në rrjetet sociale që tregon se Admiri dhe Ralfi kanë qenë së bashku në orën 14:00, duket qartë se i akuzuari nuk mund të arrinte për 6 minuta në bankë.
Për të përforcuar idenë se Admiri nuk ka marrë pjesë në grabitjen e bankës, mjafton të dëgjohet biseda me Klevis Gurrajn. Vëllai i Bekimit e pranon hapur se Klevisi nuk ka qenë gjatë grabitjes. Bekimi po ashtu nga burgu i Reçit i pranon Kujtimit, se Admiri nuk ishte pjesë e grupit.
Kaq mjaftoi që Gjykata e Shkodrës dhe Prokuroria të viheshin sërish në lëvizje dhe të rimerrnin në pyetje dëshmitarët e ngjarjes. Bekimi e pranoi dhe përpara hetuesve që Admiri nuk ka marrë pjesë në grabitje.
Avokatja e Admirit, Sonila Deliallisi, vendosi të kërkontendryshimin e masës dhe më 8 maj, Gjykata e Shkodrësliroi nga burgu Admirin. 19-vjeçari doli dhe tashmë po shijon lirinë në pritje të përfundimit të hetimeve, por akuzat ndaj tij kanë rënë.
‘Piranjat’ e takuan gjatë daljes të riun dhe ai shumë iemocionuar u shpreh: ‘Ju falenderoj për punën që kenibërë. Tashmë do të vazhdoj shkollën dhe do të fokusohemte jeta ime. U mërzita në burg’.
Në të njëjtën linjë ishte dhe babai i tij, Kujtimi, qëbashkëpunoi me ‘Piranjat’. ‘Jam shumë i kënaqur, ndihem mjaft mirë. Faleminderit dhe prej jush për gjithçka çfarë keni bërë’, është shprehur ai.
