Drejtori i Përgjithshëm i Policisë së Shtetit, Skënder Hita ka mbërritur në Drejtorinë e Policisë së Kor&cce...
AKTUALITET
Helmimi i fëmijëve nga bakteri salmonela/ Reagon Operatori i Shërbimeve të Kujdesit Shëndetësor në Gramsh: Janë marrë 76 mostra! Nuk ka vend për shqetësim
n.fPërditësimi i fundit 24 Maj 2025, 20:29
GRAMSH- Reagimi i parë zyrtar ka ardhur në lidhje me helmimin e 70 fëmijëve të një kopshti në Gramsh. Operatori i Shërbimeve të Kujdesit Shëndetësor në Gramsh në reagim bën me dije se njësia Vendore e Kujdesit Shëndetësor është vënë menjëherë në ndjekje të rastit.
Sipas tyre një fëmijë është paraqitur me shqetësime të lehta gastrointestinale dhe është referuar për analiza laboratorike nga mjekja pediatre përkatëse. Më tej bëhet me dije se janë marrë 76 mostra të cilat janë në proces analizimi. Në reagim ata theksojnë se nuk ka vend për shqetësimin por duhet theksuar se ngjarja ka 4 ditë që ka ndodhur dhe institucionet kanë heshtur.
Një tjetër detaj që ngre dyshime në këtë rast është se mediat raportojnë për 70 fëmijë të helmuar ndërsa në reagime theksohet se ka pak raste të cilat kanë patur probleme jo të rënda. Drejtoresha e Spitalit të Gramshit, Greta Lena theksoi se situata është nën kontroll dhe se në spital janë paraqitur vetëm disa fëmijë. Ajo shtoi se një rast ka pasur simptoma më të rënda dhe 2 të tjerë më lehtë.
Lind pyetja se si është e vërteta, sa fëmijë janë të helmuar dhe pse institucionet kanë vonuar për të reaguar. Prindërit kërkojnë përgjigje dhe ndëshkime. Shumë prej tyre janë të shqetësuar që rasti mund të mbulohet dhe që askush të mos mbajë përgjegjësi. Ata kanë paralajmëruar që në fillim të javës do protestojnë para kopshtit.
Reagimi i plotë i Operatorit të Shërbimeve të Kujdesit Shëndetësor në Gramsh:
Në vijim të raportimeve në media mbi një situatë të ndodhur në një institucion parashkollor në qytetin e Gramshit, sqarojmë se Njësia Vendore e Kujdesit Shëndetësor është vënë menjëherë në ndjekje të rastit.
1 fëmijë është paraqitur me shqetësime të lehta gastrointestinale dhe është referuar për analiza laboratorike nga mjekja pediatre përkatëse. Në kuadër të hetimit epidemiologjik janë marrë gjithsej 76 mostra nga fëmijët dhe punonjësit, dhe janë në proces analizimi.
Rezultatet e analizave nuk kanë dale ende përfundimtare dhe priten të jenë të disponueshme ditën e nesërme, më 25 maj 2025. NJVKSH Gramsh ka njoftuar Autoritetin Kombëtar të Ushqimit (AKU) dhe Institutin e Shëndetit Publik (ISHP) dhe po bashkëpunojnë ngushtësisht me strukturat vendore për të garantuar një vlerësim të plotë dhe të kujdesshëm të situatës.
Theksojmë se të gjitha veprimet janë ndërmarrë në kohë dhe me profesionalizëm, dhe nuk ka vend për shqetësim të shtuar në këtë fazë. Çdo informacion i mëtejshëm do të bëhet publik në mënyrë transparente, sapo të përfundojnë analizat dhe verifikimet përkatëse.
