Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Humbi jetën i riu dhe u plagosën rëndë dy të tjerë, policia arreston 37-vjeçarin me dy emra në Berat
PiranjatPërditësimi i fundit 27 Shtator 2025, 13:06
Një ditë pas aksidentit tragjik në Berat ku humbi jetën një 34-vjeçar i identifikuar si Endri Vrushaj, dhe u plagës rëndë dy të tjerë, policia ka arrestuar një 37-vjeçar me dy emra si shkaktar të ngjarjes së rëndë.
Njoftimi:
Në vijim të informacionit paraprak të dhënë mbrëmjen e djeshme për aksidentin e ndodhur në aksin rrugor Berat–Poliçan, në vendin e quajtur Ura e Vodicës, ju bëjmë me dije se në vijim të veprimeve hetimore për dokumentimin e plotë të rastit dhe informacioneve të marra në drejtimin e mjetit tip "Porsche", ka qënë shtetasi K. G., banues në Berat, dhe jo shtetasi E. V., i cili humbi jetën në vendngjarje.
Në përfundim të veprimeve procedurale u arrestua në flagrancë shtetasi K. G. alias (E. Sh)., 37 vjeç, banues në Berat, për veprën penale “Shkelja e rregullave të qarkullimit rrugor”, pasi dje në vendin e quajtur Ura e Vodicës, ka humbur kontrollin dhe, si pasojë, automjeti ka dalë nga rruga. Nga aksidenti ka ndërruar jetë në vendngjarje shtetasi E. V., 34 vjeç, banues në Berat, si dhe janë dëmtuar shtetasit K. G., 37 vjeç, dhe A. E., 36 vjeç, të dy banues në Berat. Materialet procedurale iu referuan Prokurorisë Berat, për veprime të mëtejshme.
