I dënuar me burg për drogë, vihet në pranga në Durrës 24-vjeçari i shpallur në kërkim (EMRI)

Arrestimi

TIRANË- Një 24-vjeçar është vënë në pranga ditën e sotme në Durrës. Mësohet se arrestimi i tij ka ardhur pasi ai ishte shpallur në kërkim pasi ishte i dënuar me burg.

Sipas njoftimit të policisë i riu ishte dënuar me burg nga Gjykata e Tiranës për veprën penale "Prodhimi dhe shitja e narkotikëve". Më tej bëhet me dije se i arretuari është Armando Bushi. 24-vjeçari gjithashtu kishte dy emra përkatësisht Armando Bushi dhe  Armarido Rama.

Njoftimi i plotë;

Policia e Shtetit/ Drejtoria e Forcës së Posaçme Operacionale në Departamentin e Policisë Kriminale në DPPSH finalizoi operacionin policor të koduar “Operacionalja 10”. I akuzuar nga Gjykata e Tiranës, për prodhim dhe shitje narkotikësh, kapet në Durrës dhe vihet në pranga 24-vjeçari i shpallur në kërkim.

Në kuadër të megaoperacionit “Sundimi i ligjit” dhe si rezultat i informacioneve të siguruara nga inteligjenca policore, Drejtoria e Forcës së Posaçme Operacionale, gjatë operacionit policor të koduar “Operacionalja 10”, lokalizoi në Durrës, kapi dhe vuri në pranga shtetasin:

A. B. alias A. R., 24 vjeç, banues në Tiranë. 24-vjeçari ishte shpallur në kërkim, pasi Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë "Arrest në burg", për veprën penale "Prodhimi dhe shitja e narkotikëve". Materialet procedurale i kaluan Prokurorisë, për veprime të mëtejshme.

durres arrestim droge