Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
AKTUALITET
I dënuar për përplasje me armë në Luksemburg/ I riu shqiptar i përfshirë edhe në trafik narkotikësh (EMRI)
PiranjatPërditësimi i fundit 29 Dhjetor 2025, 19:30
Të tjera detaje kanë dalë në dritë nga hetimet për 30-vjeçarin shqiptar, Aldo Iamandi (Gjini), i cili u dënua me rreth tre vjet burg për një incident me armë zjarri në fund të vitit 2020 në Luksemburg. Sipas raportimit të mediave të huaja, Gjini, tani dyshohet se është një figurë kyçe e një bande shqiptare që merret me trafikimin e kokainës drejt Holandës.
30-vjeçari, dyshohet si një figurë kyçe të një grupi kriminal shqiptar i përfshirë në trafikimin e 475 kilogramëve kokainë drejt portit të Vlissingen në Hollandë. Hetimi, i cili po drejtohet përmes bashkëpunimit mes zyrave për luftën kundër drogës në Belgjikë, Polici Holandeze dhe autoriteteve të tjera ligjzbatuese, përfshin edhe pjesëmarrjen e elementëve me të kaluar kriminale të dhunës.
Më 24 nëntor 2020, Aldo hapi zjarr në një bar shisha në Remich, në jug-lindje të Luksemburgut. Katër plumba goditën një bashkatdhetar të tij, i cili u plagos rëndë në këmbën e majtë. Pas këtij incidenti, autoritetet e Luksemburgut e vunë atë në listën e kriminelëve më të kërkuar në Europë. Përveç këtij incidenti, Aldo dyshohet edhe për një shkëmbim armësh të ndodhur në Tiranë në korrik 2021, ku u plagosën dy persona. Ai u kap nga autoritetet luksemburgase në Bruksel në dhjetor 2021 dhe u arrestua.
Hetimet e vazhdueshme nga autoritetet belge dhe holandeze e identifikojnë Aldo I. si një lojtar të rëndësishëm brenda rrjetit shqiptar të trafikut të drogës, duke përfshirë transportin e sasisë së konsiderueshme të kokainës drejt portit të Vlissingen.
