Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
AKTUALITET
VIDEO/ Drejtonte bandën '1 mln euro', arrestohet kapo i ‘skifterëve’ shqiptarë në Greqi! Shihni se si vepronin gjatë aksionit
PiranjatPërditësimi i fundit 29 Dhjetor 2025, 18:22
Anëtarët e një bande “skifterësh” shqiptarë dhe grekë arritën të vidhnin afërsisht një milion euro në mall dhe cash, ndërsa vepronin kryesisht në Filothei dhe Psikiko të Greqisë.
Oficerët e Departamentit të Hetimit dhe Ndjekjes Penale të Krimeve njoftuan sot shkatërrimin e bandës së drejtuar nga një 39-vjeçar shqiptar (foto kryesore), emri i të cilit nuk u publikua, teksa transmetuan foto dhe pamje filmike nga grabitjet, por edhe që çuan në zbulimin e autorëve.
Grupi akuzohet për bastisjen e të paktën 16 banesave në seri, kryesisht banesa pushimi e turistësh.
Më konkretisht, një 39-vjeçar shqiptar i arrestuar, herë vetëm dhe herë së bashku me një bashkëpunëtor, përdori zonat pyjore në Filothei dhe Psiqiko si baza dhe u fsheh si para ashtu edhe pas kryerjes së vjedhjeve.
Autorët, pasi identifikuan shtëpitë e synuara, duke pasur si kriter kryesor afërsinë me zonat pyjore dhe duke marrë të gjitha masat e nevojshme duke veshur doreza, kapele dhe maska, fituan akses në brendësi të tyre, pasi më parë thyen dyert e ballkoneve ose dritaret duke përdorur një levë, duke hequr kamerat e mbikëqyrjes dhe duke çaktivizuar sistemin e alarmit.
“Në rastet kur donin të hynin në katet më të larta, përdornin një shkallë, të cilat i sillnin me vete në secilin prej veprimeve të tyre kriminale. Tregues i guximit të veprimeve të tyre është fakti se autorët e krimit hynë në shtëpi edhe kur sistemi i alarmit po binte”, shkruan “Protothema”.
Gjithashtu, ia vlen të përmendet fakti se, për të maksimizuar plaçkën e tyre, ata kryen vjedhje të shumta brenda të njëjtës nate, ndërsa në tre raste u kthyen brenda pak ditësh në të njëjtat shtëpi për të hequr sende shtesë.
