Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
AKTUALITET
I kërkuar në Kosovë për veprën e kultivimit dhe shitjes së lëndëve narkotike, arrestohet në Cërrik 39-vjeçari
M.B.Përditësimi i fundit 8 Dhjetor 2024, 15:19
CËRRIK- 39-vjeçari Engjëllush Ibrahimi, i shpallur në kërkim nga autoritetet e Kosovës për laboratorin e drogës ku u gjet 1 ton kanabis u arrestua sot në Cërrik. Ndaj Ibrahimit, Gjykata e Pejës ka caktuar masën ‘arrest me burg’ për 2 akuza: “Kultivimi i bimëve të hashashit, shkurres së kokainës ose bimëve të kanabisit” dhe “Blerja, posedimi dhe shitja e paautorizuar e narkotikëve, substancave psikotrope dhe analoge”.
39-vjeçari pritet të ekstradohet drejt Kosovës për tu përballur me drejtësinë atje. Lidhur me labiratorin e drogës 3 persona kanë rënë në pranga ndërsa dy të tjerë janë ende në kërkim.
Njoftimi:
Si rezultat i shkëmbimit të informacioneve dhe koordinimit të punës, ndërmjet Komisariatit të Policisë Cërrik dhe agjencive ligjzbatuese në Kosovë, u bë e mundur kapja dhe arrestimi, me qëllim ekstradimin në Kosovë, i shtetasit të shpallur në kërkim ndërkombëtar Engjëllush Ibrahimi, 39 vjeç, banues në Cërrik.
Gjykata Themelore e Pejës i ka caktuar këtij shtetasi, masën e sigurisë “Arrest në burg”, për veprat penale “Kultivimi i bimëve të hashashit, shkurres së kokainës ose bimëve të kanabisit” dhe “Blerja, posedimi dhe shitja e paautorizuar e narkotikëve, substancave psikotrope dhe analoge”, parashikuar nga Kodi Penal i Republikës së Kosovës”.
