Atentati me 4 të plagosur në Tiranë/ Të rinjtë u ndoqën nga rrethrrotullimi i Shkozës deri në Lundër, tentuan të shpëtonin, por u qëlluan me breshëri plumbash (Detaje)

TIRANA- Të tjera detaje kanë dalë nga atentati i ndodhur mbrëmjen e shkruar në Tiranë ku mbetën të plagosur 4 persona. Ngjarja ka ndodhur rreth orës 21:30 të mbrëmjes së të enjtes ku autorët dyshohet se kanë ndjekur mjetin tip "G Class" ku udhëtonin 4 të rinjt.

Sipas informacioneve, dyshohet se ndjekja ka filluar nga rrethrrotullimi i Shkozës përgjatë autostradës deri te TEG dhe më pas 4 të rinjtë për t’iu shmangur atentatorëve kanë shkuar drejt Lundrës. Po ashtu mësohet se "pika e nxehtë" e kësaj ngjarjeje është kur autorët kanë qëlluar me breshëri në autostradë pranë AgroPark.

Gjithashtu dyshohet se makina e të plagosurve në përpjekje për t’i shpëtuar plumbave ka shkuar deri në Lundër ku drejtuesi ka humbur ndjenjat. Bëhet me dije se të rinjt Arenc Stafa 34-vjeç, Kian Mullahi 19-vjeç, dhe dy të miturit Dior Demiraj 11 dhe Marko Bardhi Demiraj 17-vjeç, janë gjetur të plagosur brenda mjetit nga persona të tjerë që më pas i kanë dërguar në spital.

Sipas raportimeve, autorët po në Lundër kanë djegur edhe makinën që dyshohet se kanë përdorur dhe që mbante targat AA 040 YV. Ndërkohë, grupi hetimor po punon për zbardhjen e rrethanave të ngjarjes, identifikimin dhe kapjen e autorëve. 

tirana