Ka dhënë frymën e fundit në spitalin e e Traumës Klevis Dervishi, 16-vjeçari i cili ishte në luftë me jetën...
AKTUALITET
I ngriti pritë gruas dhe më pas e vrau! Fqinja flet pas krimit të rëndë të burrit shqiptar
PiranjatPërditësimi i fundit 23 Gusht 2026, 08:22
Autoritetet e cilësojnë ngjarjen si vrasje dhe më pas vetëvrasje, në lidhje me rastin e një burri dhe një gruaje me origjinë shqiptare, të cilët u gjetën të vdekur me plagë të shkaktuara nga armë zjarri, mëngjesin e së dielës, në hyrje të një pallati në Nea Smirni.
Sipas të dhënave më të fundit, burri i kishte ngritur pritë 45-vjeçares në rrugën Grigoriu Kydonion 3, e qëlloi me armë dhe e vrau, ndërsa menjëherë më pas kreu vetëvrasje.
Në këtë pallat banon vajza e 45-vjeçares, një detaj që po shqyrtohet nga policia në përpjekje për të rindërtuar lëvizjet e gruas para vrasjes.
Nga informacionet e deritanishme nuk rezulton se burri dhe gruaja kanë qenë të martuar, ndërsa po hetohet marrëdhënia e saktë që kishin me njëri-tjetrin, si edhe motivet që çuan në krim.
45-vjeçarja kishte plagë të shkaktuara nga të shtënat në trup dhe, me gjasë, edhe në fytyrë, ndërsa burri u gjet me një plagë në kokë. Revolveri u gjet pranë trupit të burrit, një element që përforcon vlerësimin e autoriteteve se, pasi vrau gruan, ai qëlloi veten.
“Fqinja tha se në orët e para të mëngjesit dëgjoi të shtënat. Edhe unë e kam shtëpinë e prindërve këtu dhe dëgjova tre të shtëna rreth orës 05:30 të mëngjesit”, tha një grua që ndodhej në zonë.
Ajo theksoi se nuk kishte dëgjuar ndonjë automjet dhe as nuk kishte vënë re ndonjë gjë tjetër të dyshimtë.
Hetimin e ngjarjes e ka marrë përsipër shërbimi përkatës i Drejtorisë për Luftën kundër Krimit të Organizuar, ndërsa vijon këqyrja e vendngjarjes, si dhe marrja e dëshmive dhe mbledhja e provave të tjera, me qëllim zbardhjen e plotë të rrethanave dhe ngjarjeve që i paraprinë vrasjes.
