Ka dhënë frymën e fundit në spitalin e e Traumës Klevis Dervishi, 16-vjeçari i cili ishte në luftë me jetën...
POLITIKE
VIDEO- "Vendi nuk shitet"/ Këngëtari Ermal Meta reagon për Revolucionin e Flamingove: Më ka bërë të reflektoj shumë!
PiranjatPërditësimi i fundit 23 Gusht 2026, 15:13
Këngëtari me origjinë shqiptare, Ermal Meta, ka dhënë një mesazh të fortë mbështetjeje për mbrojtjen e mjedisit dhe tokës gjatë një prej koncerteve të tij të fundit në Itali.
Përpara se të prezantonte këngën e tij më të re me titull "Nu simu niente", "Ne nuk jemi asgjë", Meta iu drejtua publikut me fjalë prekëse duke marrë si shembull "Revolucionin e Flamingove".
Meta theksoi se reagimi i fermerëve dhe njerëzve të thjeshtë shqiptarë përballë interesave të mëdha industriale dhe pushteteve korporative është një leksion i madh dinjiteti.
Artisti bëri gjithashtu një paralele mes qëndresës mjedisore në Shqipëri dhe betejave të ngjashme që po zhvillohen në jug të Italisë, si në Pulia dhe Sardenjë, ku komunitetet vendase po luftojnë për mbrojtjen e bregdetit dhe territorit nga tjetërsimi.
"...Është një këngë që flet për njerëzit, për njerëzit që e kuptojnë se ne nuk jemi asgjë, por që ndoshta kemi ende një gjë të vogël, fuqinë për t'u ngritur në këmbë kundër... kundër atyre që duan të na uzurpojnë tokën tonë. Më ka bërë të mendoj shumë, të reflektoj shumë Revolucioni i Flamingove që po ndodh ende në Shqipëri.
Fermerë të vegjël... njerëz të thjeshtë që në të vërtetë bëhen të mëdhenj për... për t'u përballur kundër fuqive, kundër pushteteve të pamendueshme. Por po ndodh edhe këtu në Pulia, po ndodh në Ostuni, po ndodh edhe në Sardenjë... Sidoqoftë, kjo është një këngë që... që do të thotë ne jemi këtu, jemi këtu dhe kjo tokë, për sa kohë që jemi këtu, është jona; dhe nuk shitet, e as mund të blihet.", u shpreh këngëtari.
