l
20-vjeçari francez, i cili u vra mëngjesin e kësaj të marte nga truproja i ‘Principotes’ kishte ardhur për nj&eum...
AKTUALITET
Incidentet në protestë, aktivistja: Askush s’mund të na përçajë!
PiranjatPërditësimi i fundit 17 Gusht 2026, 20:40
Në ditën e 79-të të protestës kundër qeverisë, aktivistja Sidorela Vatnikaj u shpreh se bashkimi i qytetarëve brenda dhe jashtë vendit mund të sjellë ndryshimin politik dhe t’i japë fund, një klase politike të korruptuar dhe të inkriminuar.
Vatnikaj tha se protestës i është bashkuar edhe Diaspora, ndërsa theksoi se tubimet kanë vijuar në disa qytete të Shqipërisë dhe jashtë saj.
“Jemi në ditën e 79-të të protestës, pas tri ditëve të mrekullueshme kur Diaspora iu bashkua protestës. Protesta po zhvillohet në dhjetëra qytete anembanë Shqipërisë dhe Diaspora po proteston me një thirrje: boll me këtë klasë të korruptuar dhe të inkriminuar. Sot në shesh na mbledh një thirrje: ‘Rama në burg, Berisha në burg’. Ky shesh është bërë sheshi i bashkimit të shqiptarëve brenda dhe jashtë kufijve, që vendi të mos qeveriset më nga autokratë dhe deputetë të inkriminuar”, u shpreh ajo.
Aktivistja denoncoi gjithashtu incidente të ndodhura gjatë protestës, duke kërkuar nga autoritetet që të garantojnë zhvillimin paqësor të tubimit.
"Persona të paidentifikuar kanë dhunuar disa protestues gjatë marshimit, ndërsa një person tjetër është futur me një mjet të fortë. Për këtë dhe incidente të tjera të ngjashme, i bëjmë thirrje Policisë së Shtetit të sigurojë kushtet që protesta të jetë paqësore dhe të bëjë detyrën”, deklaroi Vatnikaj.
Ajo shtoi se, pavarësisht incidenteve, protesta ka ruajtur karakterin paqësor dhe ka përcjellë mesazhin e bashkimit të qytetarëve.
