Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
AKTUALITET
Ish-ministri i Albin Kurtit pritet të emërohet në krye të portit të Durrësit
PiranjatPërditësimi i fundit 27 Tetor 2025, 12:48
Ish-ministri i Albin Kurtit, Liburn Aliu pritet të emërohet drejtor në Portin e Durrësit.
Kjo lëvizje vjen dy muaj pas dorëheqjes nga pozita e ministrit në Qeverinë Kurti 2, Aliu, një prej figurave më të njohura të Vetëvendosjes.
Bëhet e ditur se Aliu është emëruar drejtor me vendim të ministres së Infrastrukturës dhe Energjisë në Qeverinë e Shqipërisë, Belinda Balluku.
Liburn Aliu dha dorëheqje më 27 gusht të këtij viti nga posti i ministrit, vetëm një ditë pasi Dimal Basha u zgjodh Kryetar i Parlamentit.
Në një postim gjatë verës, Aliu theksoi se zgjedhja e Bashës ishte arsyeja kryesore e dorëheqjes së tij.
Emerimi në një post kyç i ish-ministrit nga Kosova tregon edhe një herë përfshirjen e Ramës në fushatën për zgjedhjet e pritshme në Kosovë. Liburn Aliu është perfolur kohë më parë se do të ishte pjesë e qeverisë Rama.
Duke ditur ftohtesinë që ai ka më Albin Kurtin, vetëkuptohet që do të bëjë çështë e mundur që të ndikojë në rezultat që miqte e tij në opozitë të kthehen në pushtet. Kjo do të varet nga qytetarët e Kosovës, të cilëve as nuk u blihet dhe as nuk u vidhet vota si në Shqipëri nga Rilindja e Ramës. Dhe shumë vështirë të ndikohen nga diversionet e Edi Ramës.
