Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
AKTUALITET
Iu gjetën në banesë armë dhe municione luftarake, arrestohet 30-vjeçari në Bulqizë, sekuestrohet edhe sasi kanabisi
n.fPërditësimi i fundit 2 Korrik 2024, 10:13
Policia
BULQIZË- Një 30-vjeçar është vënë në pranga ditën e sotme. Sipas njoftimit të policisë i riu u vendos në prang pasi iu gjetën në banesë armë dhe municione.
Më tej bëhet me dije se gjatë kontrollit u gjet edhe një sasi e vogël lëndë narkotike kanabis. Nga ky operacion janë sekuestruar një armë zjarri pistoletë dhe 24 copë fishekë.
Njoftimi:
Bulqizë/Kontrolle intensive dhe goditje të njëpasnjëshme kundër armëmbajtjes pa leje, po kryhen në kuadër të planit operacional “Sundimi i ligjit”. Mbante armë zjarri në banesë, vihet në pranga 30-vjeçari.
Sekuestrohet arma e zjarrit pistoletë, municion luftarak dhe një sasi e vogël lëndë narkotike kanabis. Si rezultat i administrimit të informacioneve të inteligjencës policore që sigurohet në kuadër të planit operacional kombëtar të koduar “Sundimi i ligjit”, për shtetasit që mbajnë armë, pa leje, shërbimet e Komisariatit të Policisë Bulqizë, kapën në flagrancë dhe arrestuan shtetasin R.Gj., 30 vjeç, banues në fshatin Sopot, për veprat penale "Mbajtja pa leje dhe prodhimi i armëve, armëve shpërthyese dhe i municionit", "Prodhimi dhe shitja e narkotikëve".
Gjatë kontrollit të banesës së 30-vjeçarit, shërbimet e Policisë gjetën dhe sekuestruan, në cilësinë e provës materiale, një armë zjarri pistoletë, 24 copë fishek, si dhe një sasi e vogël lëndë narkotike kanabis. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme procedurale.
