Plagoset me thikë një person në Tiranë. Mësohet se i plagosur ka mbetur shtetasi i identifikuar si Dritan Aga.
Ngjarja ka ndodhur n&...
AKTUALITET
Ja kush fshihet pas kullës 33-katëshe në Vlorë: Donald Veshaj dhe dhëndri i deputetit socialist
PiranjatPërditësimi i fundit 11 Maj 2026, 15:11
Duket se në Shqipëri, për të hyrë në botën e ndërtimeve shumëkatëshe nuk është më e domosdoshme të kesh një histori të gjatë si ndërtues apo investitor. Mjafton të jesh një emër i njohur publik, të kesh lidhjet e duhura dhe partnerët e duhur në biznes.
Së fundmi, në qendër të vëmendjes është vendosur emri i Donald Veshajt, i cili pak kohë pasi u përfshi në sektorin e biznesit, rezulton pjesë e një projekti ambicioz për ndërtimin e një kulle në zemër të Vlorës.
Sipas dokumenteve të publikuara më herët nga media, në mars të vitit 2024 është themeluar kompania “DGC” shpk, me ortakë Donald Veshajn dhe Glenis Çobon, secili zotërues i 50% të aksioneve. Aktiviteti i kompanisë lidhet me ndërtimin, investimet dhe pasuritë e paluajtshme.
Debati që po ngrihet publikisht lidhet me burimin e financimit për një projekt të këtyre përmasave. Nuk bëhet fjalë për një ndërtim të zakonshëm, por për një kullë me 33 kate mbi tokë dhe 4 kate nën tokë, e planifikuar në një nga zonat më të lakmuara të bregdetit shqiptar.
Ndërkohë, zhvillimet më të fundit i kanë dhënë çështjes edhe një dimension politik e familjar.
Sipas informacioneve që qarkullojnë, Glenis Çobo, bashkëthemelues i kompanisë, përflitet se është dhëndri i biznesmenit Vullnet Sina, pronarit të rrjetit “Big Market” dhe njëherazi deputet i Partisë Socialiste në qarkun e Vlorës.
Kjo lidhje ka shtuar pikëpyetjet mbi raportin mes investimeve të mëdha në ndërtim dhe mbështetjes politike apo ekonomike që mund të qëndrojë në sfond.
Burime të ndryshme pretendojnë gjithashtu se Glenis Çobo nuk njihet si një emër aktiv në sektorin e ndërtimit dhe se ndaj tij ekzistojnë pretendime për detyrime financiare ndaj personave privatë.
Pikërisht këtu lindin edhe dyshimet publike: a kemi të bëjmë me investitorë realë të projektit, apo me emra të përdorur në funksion të interesave më të mëdha financiare dhe politike?
Sepse projekte të kësaj natyre kërkojnë kapital të konsiderueshëm dhe eksperiencë të konsoliduar në tregun e ndërtimit, jo vetëm famë televizive apo prezencë në rrjetet sociale.
Në shumë vende, kalimi i menjëhershëm nga bota e spektaklit në projekte shumëmilionëshe do të shoqërohej me verifikime të hollësishme financiare. Në Shqipëri, një histori e tillë po trajtohet si një tjetër investim strategjik./Piranjat News
