Një ngjarje tragjike goditi familjen shqiptare Manati, me origjinë nga Lushnja, në Jacksonville të Floridës, ku tre fëmijë hu...
AKTUALITET
Ja sa duhet të ishte sot çmimi i naftës! Përllogaritja e thjeshtë, por që rëndon mbi shqiptarët
PiranjatPërditësimi i fundit 11 Mars 2026, 17:34
Bazuar në çmimin aktual të bursës për diesel në Mesdhe, nafta në Shqipëri teorikisht duhet të kushtonte rreth 1.65 – 1.75 euro për litër ose afërsisht 157 – 166 lekë për litër .
Nëse çmimi do të reflektonte drejtpërdrejt tregun ndërkombëtar dhe strukturën e taksave në vend, nafta në Shqipëri duhet të ishte dukshëm më e lirë.
Sipas të dhënave, kontratat e marsit 2026 për diesel ULSD 10 ppm në bursën Platts për Mesdheun llogariten rreth 744 dollarë për ton. Duke marrë parasysh se një ton naftë përkthehet mesatarisht në rreth 1185 litra, çmimi në bursë rezulton rreth 0.63 dollarë për litër.
Mbi këtë çmim shtohen edhe kostot e zakonshme që lidhen me importin dhe tregtimin e karburantit. Sipas përllogaritjeve, transporti dhe sigurimi mund të shtojnë rreth 0.04 euro për litër, ndërsa magazinimi dhe marzhi tregtar rreth 0.08 euro për litër. Kjo do ta çonte koston reale të naftës, pa përfshirë taksat, në rreth 0.75 euro për litër.
Duke i shtuar taksat dhe TVSH, çmimi përfundimtar i naftës do të rezultonte rreth 1.70 euro për litër./Piranjat news
