Një ngjarje tragjike goditi familjen shqiptare Manati, me origjinë nga Lushnja, në Jacksonville të Floridës, ku tre fëmijë hu...
AKTUALITET
Pastroi paratë përmes biznesit të konsulencës, SPAK nis hetimet për sekretarin e përgjithshëm të Bashkisë Tiranë
PiranjatPërditësimi i fundit 11 Mars 2026, 16:40
SPAK nis hetimet për sekretarin e përgjithshëm të Bashksë Tiranë, dyshohet se pastroi paratë përmes binznesit të konsulencës Janë nisur hetimet për sekretarin e përgjithshëm të bashkisë Tiranë, Eldi Hoxha i cilin dyshohet se është implikuar në pastrimin e parave të pista.
Burime për mediat bëjnë me dije se Hoxha dyshohet se ka pastruar paratë përmes një biznesi konsulence në emrin e tij. Eldi Hoxha dyshohet se ka lejuar kontrabandën e cigareve dhe jo vetëm, që nga viti 2021 deri në fillim të vitit 2025. Burimet bëjnë me dije se SPAK ka filluar të hetojë dhe për periudhën kur Eldi Hoxha ishte pjesë e drejtorisë së doganave dhe e AKSHI-t.
Ndaj tij janë caktuar dy masa sigurie “ndalim i dajjes jashtë shtetit” si dhe “ detyrim paraqitje”.
Pjesë nga njoftimi i SPAK për Eldi Hoxhën:
18. Caktimin e masës së sigurimit "Ndalimi i daljes jashtë shtetiť" dhe "Detyrimi për tu paraqitur në Policinë Gjyqësore”, të parashikuara nga nenet 233 dhe 234 të Kodit të Proçedurës Penale, ndaj shtetasit nën hetim Eldi Hoxha, i biri i Vladimir dhe Elvira, i datëlindjes 05.10.1982, me kombësi dhe shtetësi shqiptare, i martuar, me numër personal 121005149F, me adresë banimi: rruga "Barrikadave", Nd. 32, H.1, kati 8-të, Njësia Administrative Nr. 9, Tiranë: i dyshuar për kryerjen e veprave penale “Kontrabanda nga punonjës që lidhen me veprimtarinë doganore", i parashikuar nga neni 175 i Kodit Penal.
18.1. Urdhërohet personi nën hetim Eldi Hoxha të mos largohet nga territori i Republikës së Shqipërisë pa autorizimin e gjykatës, në referim të nenit 233, pika 1 të K.Pr. Penale "Ndalimi i daljes jashtë shtetit".
18.2. Ndalohet përdorimi i pasaportës dhe dokumenteve të tjerë identifikues të vlefshme për daljen jashtë shtetit, për personin nën hetim Eldi Hoxha.
18.3. Urdhërohet personi nën hetim Eldi Hoxha që të paraqitet para oficerit të policisë gjyqësore z. Julian Marko pranë Byros Kombëtare të Hetimit, të hënën e parë dhe të tretë të muajit, ora 12.30.
