Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
AKTUALITET
“Janë toksike”, eksperti flet për rreziqet nga pesticidet në luleshtrydhe: Krijojnë probleme në lindshmërinë e grave! Ndikojnë në shkaktimin e kancerit
n.fPërditësimi i fundit 4 Prill 2025, 18:49
TIRANË- Eksperti Abdyl Sinani është shprehur së fundmi se pesticidi i gjetur në luleshtrydhet e ardhura nga Greqia është shumë i rrezikshëm për shëndetin tonë. Sinani i ftuar në emisionin “People”, renditi efektet negative të konsumimit të luleshtrydheve të konstatuara me këtë pesticid. Ai theksoi se lëndët toksike mund të sjellë pasoja tek gratë për lindshmërinë dhe deri tek shkaktimi i kancerit.
“Këto lëndë janë toksike dhe helmojnë organizmin, prandaj janë shumë të dëmshme për shëndetin. Ato krijojnë probleme për hormonet, probleme në lindshmërinë e grave, dhe nëse konsumohen për një periudhë të caktuar, mund të ndikojnë në shkaktimin e kancerit. Në sistemin nervor ato ndikojnë gradualisht, duke filluar me marrje mendsh, dhimbje koke dhe dobësim të organizmit, por kjo varet nga sa shumë konsumojmë”, tha eksperti Sinani.
Tre ngarkesa me luleshtrydhe të ardhura nga Greqia kanë rezultuar të kontaminuara me pesticide të rrezikshme për shëndetin e konsumatorëve, duke u bërë objekt hetimi nga Komisioni Europian (RASFF).
Sipas të dhënave të publikuara, një nga ngarkesat ka hyrë në Shqipëri më 1 prill dhe ka rezultuar me mbetje të pesticidit Clofentezine, një substancë që përdoret për luftimin e merimangave në bimë. Kjo substancë është e ndaluar në disa vende për shkak të toksicitetit të saj të lartë.
