L
Një plagosje me thikë ka ndodhur rreth mesditës në Durrës, në zonën e Shkozetit. Një i ri, rreth 25 vjeç, &eum...
AKTUALITET
Jo vetëm Vlora, edhe Lezha vendos tarifa për plazhet publike
PiranjatPërditësimi i fundit 3 Maj 2026, 11:06
Tarifat për shezlonet në plazhet publike të menaxhuara nga Bashkia Lezhë këtë sezon turistik do të variojnë nga 300 deri në 2 000 lekë, në varësi të zonës dhe nivelit të shërbimit të ofruar.
Vendimi është miratuar me shumicë votash nga Këshilli Bashkiak i Lezhës, duke synuar vendosjen e një standardi të unifikuar që pritet të zbatohet edhe nga strukturat hoteliere. Qëllimi kryesor i kësaj mase është shmangia e abuzimeve me çmimet, të cilat kanë qenë të pranishme në vitet e mëparshme.
Gjatë diskutimeve në këshill, kryetari i Bashkisë Lezhë, Pjerin Ndreu, theksoi se qytetarëve do t’u ofrohen alternativa të ndryshme, duke filluar nga opsionet më ekonomike deri tek ato me kosto më të lartë, në varësi të kushteve dhe komoditetit që kërkojnë pushuesit.
Nga ana tjetër, përfaqësuesit e opozitës në këshill e kundërshtuan këtë vendim, duke argumentuar se tarifat janë të larta dhe mund të ndikojnë negativisht në buxhetin e pushuesve.
Një element i rëndësishëm i këtij organizimi mbetet edhe garantimi i hapësirave publike falas. Rreth 30% e vijës bregdetare në zonat e Shëngjinit dhe Tales do të jetë e aksesueshme pa pagesë, duke u ofruar mundësi edhe atyre që nuk preferojnë ose nuk përballojnë shërbimet me pagesë.
Ndërkohë, edhe në Vlorë janë përcaktuar tarifa për plazhet publike. Këshilli Bashkiak i këtij qyteti ka miratuar më 1 maj çmimin prej 700 lekësh për një çadër, duke vendosur një tjetër standard për sezonin veror.
