Të shtëna me armë zjarri janë regjistruar mesditën e kësaj të hëne në zonën e Kamzës.
Një 26-vje&...
AKTUALITET
Ju kujtohet pseudopsikologia Ema Bruci? Shet produkte pa kriter dhe përfiton automjet. Shumë qytetarë ankohen…
PiranjatPërditësimi i fundit 2 Mars 2026, 13:15
Besojmë se ju kujtohet fare mirë pseudopsikologia Ema Bruci, zonja e cila hiqej nëpër rrjete sociale si psikologe e licensuar, por nga ana tjetër nuk figuronte në Urdhrin e Psikologut dhe as procedonte me NIPT të rregullt për ushtrimin e aktivitetit. Kështu që emisioni “Piranjat“ infiltroi 2 vajza të reja të cilat do të kuptonin nga afër se çfarë realisht bënte kjo zonjë.
Seancat e terapisë ajo më së shumti i zhvillonte online, por edhe kur i zhvillonte ballë për ballë, përdorte kafenenë, jo një zyrë të qetë si çdo mjek normal. Por kthimi i lokalit në zyrë ishte e keqja më e vogël, pasi zonja Ema kishte një mal me mangësi profesionale. Ajo nuk kuronte, por tregonte histori të pacientëve të tjerë, të cilëve nuk iu kursente as të dhënat personale. Madje i tallte dhe bullizonte. Kjo zonjë ishte aq “e aftë“ saqë me 2-3 ankesa të pacientit që kishte përballë, arrinte të përcaktonte edhe diagnozën. Dhe pas diagnoztikimit, vinte “kura magjike“ me vlerë mbi 300 mijë lekë të vjetra.
Kur u pyet nga e infiltruara nëse ishte e lidhur me kompaninë, zonja Bruci u përgjigj pozitivisht. Sigurisht që zonja Ema është e lidhur me kompaninë LR, e cila nuk e ka lënë pa gjë pas punës madhështore që ajo ka bërë me pacientët, duke i dhënë të gjithëve të njejtat produkte, pavarësisht moshës, gjinisë dhe problemeve shëndetësore. Për Ema Brucin nuk ka asgjë të keqe, për sa kohë asaj nuk i intereson shëndeti i njerëzve, por të mirat materiale që përfiton nga kompania, siç është rasti i dhurimit të kësaj makine, si shpërblim për shitjet që Ema ka bërë brenda një viti. Dhe ndër këto qindra e mijëra qytetarë, ka shumë prej të cilëve ankohen për keqmjekim dhe reaksione.
“Kam folur në telefon me të, unë doja ilaçe për stomakun, por kur fola me të më futi ankthin. Më tha të merrja ilaçe që shkonin goxha shtrenjtë”, thotë një zonjë e cila dërgoi mesazh tek emisioni “Piranjat”.
“Me këtë zonjë kam bërë konsultë dhe një ditë kur nuk isha mirë më dha një mjekim që e përdorin moshat madhore dhe për hollim gjaku”, dëshmon një tjetër.
“Kjo më ka mashtruar edhe mua, është mashtruese me diploma”, komenton një qytetar në videot që emisioni ka publikuar.
“Më mashtroi më dha 200 mijë lekë ilaçe dhe u bëra keq, më bëri reaksion me prerje barku”, thotë një tjetër.
“Unë jetoja në Greqi dhe thashë mos ishte mjeke, më ikën 300 euro”, deklaron dikush tjetër.
