Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
AKTUALITET
Ka kryer të paktën gjashtë tentativa për vjedhje nëpër dyqane/ Arrestohet 40-vjeçari në Tiranë
m.lPërditësimi i fundit 10 Maj 2025, 10:46
TIRANË- Një 40-vjeçar ka rënë në pranga ditën e sotme në kryeqytet si i dyshuar për disa vjedhje të dyqaneve të kryera gjatë muajit prill dhe maj. Mësohet se autori ishte i dënuar dhe më parë për të njëjtën vepër penale. Autori i dyshuar me inicialet A.D ishte banues në Ksamil dhe sipas hetimeve ai ka vjedhur shuma parash dhe artikuj të ndryshëm në disa dyqane, si edhe ka tentuar të vjedhë një dyqan tjetër.
Tiranë/Finalizohet nga Komisariati i Policisë Nr. 2, operacioni policor i koduar “Quick Response”. Zbardhen 6 vjedhje/tentativa për vjedhje të dyqaneve, të kryera gjatë muajit prill dhe maj. Identifikohet dhe vihet në pranga 40-vjeçari, i dyshuar si autori i tyre.
40-vjeçari, i dënuar më parë për të njëjtën veprimtari kriminale. Në vijim të punës për parandalimin e vjedhjeve dhe zbardhjen e atyre të ndodhura më parë, shërbimet e Komisariatit të Policisë Nr. 2, pas provave të siguruara nga puna hetimore dhe këqyrjes së kamerave të sigurisë, finalizuan operacionin e koduar "Quick Response".
Në kuadër të të cilit u vu në pranga shtetasi A. D., 40 vjeç, banues në Ksamil, me precedent të mëparshëm penal. Nga hetimet dyshohet se ky shtetas ka vjedhur shuma parash dhe sende/artikuj të ndryshëm në 5 dyqane, si dhe ka tentuar të vjedhë në 1 dyqan tjetër. Punohet për të zbardhur vjedhje të tjera që mund të ketë kryer 40-vjeçari. Materialet procedurale iu referuan Prokurorisë së Tiranës, për veprime të mëtejshme.
