Një ngjarje e rëndë ka ndodhur në zonën e Lozhanit në Maliq ku një efektiv i forcave ‘Shqiponjave’ ka mbetur i ...
AKTUALITET
Kanosën me armë zjarri 44-vjeçarin, arrestohen tre persona në Durrës, sekuestrohen pistoleta dhe municion luftarak
b.zPërditësimi i fundit 21 Janar 2025, 10:24
Foto ilustruese
DURRËS - Tre persona janë arrestuar nga Policia në Durrës pasi akuzohen se kanë kanosur me armë zjarri një 44-vjeçar. Në pranga kanë rënë personat me iniciale Y. M., 40 vjeç, B. R., 30 vjeç dhe B. C., 30 vjeç, të tre banues në Tiranë, pasi për motive të dobëta kanë kanosur me armë 44-vjeçarin në rrugën "Pavarësia", në Durrës.
Policia bën me dije se nga hetimet ka rezultuar se një prej të arrestuarve ishte person me precedent penal. Në makinën e tij janë gjetur dhe sekuestruar 2 armë zjarri dhe municion luftarak.
Të tre të arrestuarit janë shoqëruar për veprime të mëtejshme proceduriale.
Njoftimi i Policisë:
Durrës/Ndërhyrja e menjëhershme e Policisë, parandalon një ngjarje kriminale.
Finalizohet operacioni policor i koduar “Intervention”.
Vihen në pranga 3 shtetas, të cilët për motive të dobëta, kanosën me armë zjarri, një 44-vjeçar.
Njëri prej të arrestuarve, me precedent për vjedhje me armë.
Sekuestrohen 3 armë zjarri (kallashnikov dhe pistoleta), municion luftarak, si dhe 3 automjete, njëri prej tyre, i blinduar.
Gjithashtu, sekuestrohen 1 radio e lidhur me kanalet e komunikimit të DVP Durrës, e cila së bashku me 2 armë zjarri dhe me automjetin e blinduar, mbaheshin nga shtetasi me precedent kriminal.
Menjëherë pas njoftimit, për një rast kanosjeje në rrugën “Pavarësia”, shërbimet e Stacionit të Policisë Plazh, në bashkëpunim me shërbimet e Seksionit Operacional dhe me Forcën e Posaçme “Shqiponja”, të DVP Durrës, kanë shkuar në zonë, dhe si rezultat i ndërhyrjes së shpejtë dhe profesionale, si dhe i punës së mirorganizuar, kanë kapur dhe arrestuar në flagrancë autorët e rastit.
Konkretisht, në kuadër të operacionit policor të koduar “Intervention”, janë vënë në pranga shtetasit Y. M., 40 vjeç, B. R., 30 vjeç dhe B. C., 30 vjeç, të tre banues në Tiranë, pasi dyshohet se për motive të dobëta, kanë kanosur me armë zjarri, një shtetas 44 vjeç.
Nga kontrolli në automjetin e blinduar të 40-vjeçarit u gjeten 2 armë zjarri (kallashnikov dhe pistoletë). Më tej, nga kontrolli fizik ndaj këtij shtetasi, u konstatua se mbante dhe 1 radio të lidhur me kanalet e komunikimit të DVP Durrës.
Në vijim të operacionit “Intervention”, nga kontrolli në banesën e babait të shtetasit të arrestuar B. R., u gjet 1 armë zjarri pistoletë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
