Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
Kishin përshtatur lokalin për lojëra fati në Kombinat, policia e kryeqytetit arreston 2 persona dhe procedon penalisht 2 të tjerë
ZH.LLPërditësimi i fundit 11 Dhjetor 2024, 13:03
lokali
TIRANË- Policia e Tiranës ka arrestuar 2 persona të përfshirë në veprimtarinë e paligjshme të lojrave të fatit. Policia e kryeqytetit ka zbuluar një lokal të përshtatur për organizimin e lojërave të fatit në zonën e Kombinatit në Tiranë.
Gjaë kontrolleve të policisë, në lokal u gjetën dhe sekuestruan 5 makineta për lojëra fati. Ndërkohë, në lidhje më këtë rast janë proceduar penalisht edhe 2 persona të tjerë të përshirë
Njoftimi:
Tiranë/Finalizohet operacioni policor i koduar "Five", nga Komisariati i Policisë Nr. 6, për goditjen e veprimtarisë kriminale në fushën e lojrave të fatit.
Zbulohet një lokal i përshtatur për këtë veprimtari të paligjshme. Sekuestrohen 5 makineta për lojëra fati.
Arrestohen 2 shtetas dhe procedohen penalisht 2 të tjerë.
Strukturat e Komisariatit të Policisë Nr. 6, në vijim të punës për goditjen e paligjshmërive në fushën e lojërave të fatit, bazuar në informacionet e marra në rrugë operative, kanë organizuar kontrolle në lokale dhe ambiente të ndryshme, të cilat mund të vihen në dispozicion për organizimin e lotarive të palejuara dhe si rezultat kanë goditur 1 rast të kësaj veprimtarie.
Gjatë kontrolleve të ushtruara nga shërbimet e Policisë, në lokalin e shtetasit N. L., 38 vjeç, në Kombinat, të cilin e kishte vënë në dispozicion për organizimin e lotarive të palejuara, u gjetën dhe u sekuestruan 5 makineta për lojëra fati.
Në vijim të veprimeve u arrestuan shtetasit N. L., 36 vjeç, dhe A. H., 51 vjeç, si dhe u proceduan në gjendje të lirë shtetasit B. I., 54 vjeç, dhe E. M., 25 vjeç, të gjithë banues në Tiranë.
