Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Kishte përshtatur lokalin në ambient për organizimin e lojërave të fatit, arrestohet pronari dhe procedohet një tjetër në Burrel
S.BPërditësimi i fundit 14 Shtator 2024, 11:40
MAT- Pronari i një lokali në lagjen "Partizani" në Burrel, është arrestuar ditën e sotme. Mësohet se A.D 29 vjeç, kishte përshtatur lokalin për vënien e basteve sportive.
Nga kontrollet në lokal u gjetën dhe sekuestruan një sasi e vogël kanabisi, 1 thikë, 10 bileta bingoje, 3 celularë, 1 komjuter, 1 printer dhe një shumë parash. Ndërkohë është proceduar penalisht 20-vjeçari J.R pasi në banesën e tij u gjetën dhe sekuestruan një armë sportive pistoletë dhe 2 fishekë.
Njoftimi i policisë:
Mat/Aksione të përditshme në kuadër të megaoperacionit “Sundimi i ligjit”, për të zbuluar ambientet e përshtatura për lojëra fati, si dhe për të goditur rastet e armëmbajtjes pa leje.
Zbulohet një tjetër lokal ku viheshin baste sportive, si dhe goditet një rast i armëmbajtjes pa leje.
Arrestohet pronari i lokalit dhe procedohet në gjendje të lirë një shtetas tjetër.
Sekuestrohen një sasi e vogël canabisi, 1 mjet prerës thikë, 10 bileta bingoje, 3 celularë, 1 komjuter, 1 printer dhe 1 armë sportive pistoletë.
Specialistët për Hetimin e Krimeve të Komisariatit të Policisë Mat, në bashkëpunim me Seksionin për Hetimin e Narkotikëve dhe Trafiqeve, në DVP Dibër, nga kontrollet e vazhdueshme në ambiente të ndryshme, të kryera me qëllim goditjen e rasteve të organizimit të kundërligjshëm të lojërave të fatit, kanë konstatuar se në një lokal, në lagjen "Partizani" Burrel, viheshin baste sportive.
Në përfundim të veprimeve procedurale për këtë rast, u arrestua në flagrancë pronari i lokalit shtetasi A.D., 29 vjeç, banues në Burrel, i cili kishte përshtatur lokalin e tij për ushtrimin e aktivitetit të paligjshëm të lojrave të fatit. Në lokalin e 29-vjeçarit, u sekuestruan një sasi e vogël canabisi, 1 mjet prerës thikë, 10 bileta bingoje, 3 celularë, 1 komjuter, 1 printer dhe një shumë parash.
Po nga këto shërbime, nisi procedimi penal për shtetasin J.R., 20 vjeç, pasi gjatë kontrolli të ushtruar në banesën e tij, shërbimet e policisë gjetën dhe sekuestruan në cilësinë e provës materiale një armë sportive pistoletë dhe 2 fishekë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
