Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
AKTUALITET
Klajdis arrin ëndrrën, vogëlushi shqiptar bëhet pjesë e Barcelonës
PiranjatPërditësimi i fundit 18 Tetor 2025, 17:58
Një histori frymëzuese, që të kujton se talenti s’ka nevojë për pasaportë apo portofol, por për zemër dhe besim, është ajo e Klajdis, një djalosh vetëm 11-vjeçar. Kjo pasi ai ka arritur atë që shumë bashkëmoshatarë e ëndërrojnë, të veshë fanellën e Barcelonës.
Gjithçka nisi në qershor, kur përfaqësuesit e akademisë së Barcelonës erdhën në Shqipëri për të bërë përzgjedhjen e të vegjëlve që do të kishin mundësinë të provonin fushat e Spanjës. Por shuma e lartë që kërkohej për pjesëmarrje e ndaloi familjen e tij ta dërgonte. Megjithatë, fati shpesh i buzëqesh atyre që nuk ndalen. Vetëm dy muaj më pas, gjatë pushimeve me familjen, Klajdisi u pikas nga një trajner spanjoll, i cili mbeti i mahnitur nga aftësitë e tij dhe e ftoi të stërvitej me ekipin e ëndrrës, Barcelonën.
Pas vite të tëra përpjekjesh, orësh stërvitjeje dhe sakrificash, djali i vogël nga Shqipëria e nisi zyrtarisht rrugëtimin e tij në një nga klubet më të mëdha të botës.
Sot, Klajdisi mban veshur fanellën “blaugrana” dhe po jeton ëndrrën që dikur dukej e paarritshme. Suksese kampion! Le të jetë kjo vetëm nisja e një historie të madhe, me flamurin kuqezi në zemër dhe emrin tënd pranë të mëdhenjve të futbollit.
