Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Kompania e mashtrimit që luan me fatin e njerëzve duke i zhvatur qindra euro
b.zPërditësimi i fundit 14 Shkurt 2025, 22:25
Alxher Service
TIRANË - Mashtruesja seriale e Alxher Service ka arritur të mashtrojë shumë persona duke i premtuar kontrata pune jashtë vendit.
Jani, ishte një prej tyre.
“Me kompaninë Alxher Service jam njohur përmes Instagramit. Takimi u bë te zyra, u takova me administratoren Xherina Nasufi. Biseda vijoi duke më informuar mbi kontratën e punësimit, pagesa ishte ne vlerën 500 euro, e kërkuar si klauzolë për të bërë procesin e ndërmjetësimit me kompaninë atje. Në kontratë specifikohet që në qoftë se nuk realizohet kontrata brenda 6 muajve nga momenti që unë kam bërë aplikimin, mua më rimbursojnë 45 mijë lekë të reja. Kontrata është lidhur në datën 26 dhjetor të vitit 2023. Në 26 qershor të 2024, i bie që është fundi i kësaj kontrate dhe në qoftë se nuk ka një përgjigje pozitive deri në këtë datë, nga 500 euro pagesë do më ktheheshin 45 mijë lekë të reja brenda 26 dhjetorit të 2024. Kaloi qershori, nuk u bë gjë, në këto kushte interesohem me emaili. Përcillesha gjithmonë me idenë që do t'ju informojmë dhe nuk kishte asnjë lloj shpjegimi. Kompania, në një moment pas shumë kohëve dhe pas 6 muajve që kontrata skadoi, më dërgon një email dhe më thotë se jam future në fazën e rimbursimit. Unë e pyeta si dhe kur bëhet rimbursimi, sepse ata nuk kishin asnjë të dhënë time bankare dhe nuk ka asnjë lloj shpjegimi, ngelet gjithmonë situata e vakët në ajër pa asnjë lloj përgjigje konkrete. Komunikimi i fundit ishte që unë i dërgova të dhënat e mia bankare dhe pas disa ditësh që unë i kisha dërguar këto të dhëna, më thanë: ne jemi pushim deri në datën 15 janar. Pas 15 janarit, do të kontaktoheni përsëri në të ardhmen, që t'iu rimbursohen lekët. Pra, vetëm zvarrisin.”
Por Jani nuk është i vetmi që ka rënë pre e kësaj skeme. Artiola dhe Emiliani janë mashtruar gjithashtu në vlerat 300 dhe 500 euro, por kjo duket se nuk i bën aspak përshtypje administratores së kompanisë, e cila në përballjen me Piranjat zgjodhi të komunikojë me arrogancë dhe ironi pa u vënë aspak në siklet lidhur me akuzat.
Duhet sqaruar se Xherina nuk është e panjohur për mediat, duke përdorur të njëjtat forma zhvatjeje të klientëve. Kolegët e emisioneve të tjera investigative e kanë denoncuar publikisht edhe parë, por kjo duket se vetëm e motivon këtë zonjë të re.
Gjithsesi, pas ballafaqimit me administratoren, Piranjat vendosën ta denoncojnë për mashtrim dhe në këto kushte, e detyruar përballë ligjit, ajo më në fund ndërgjegjësohet dhe ia kthen paratë Janit.
